ཅི་ཞིག་རེད།
ཁྱུང་མུ་ཝེར།
ཉི་ཟླའི་མདངས་ལ་འགྲན་པའི།།
ལང་ཚོའི་ཁ་དོགས་འདི་ནི།།
མི་འདོད་བཀྲཌ་མདངས་ཤོར་ཉིན།།
ཉི་ཟླ་ནུབ་པ་ཨེ་རེད།།
གངས་རིའི་བཞིན་ལས་གྲུབ་པའི།།
ལྷད་མེད་ལྷག་བསམ་འདི་ནི།།
གྲོགས་ངན་རྐྱེན་གྱིས་བསླུས་ཉིན།།
གངས་རི་ཞུ་བ་ཨེ་རེད།།
ཆུ་བོའི་རྒྱུད་ལས་རིང་བའི།།
མ་འོངས་ཕུག་བསམ་འདི་ནི།།
ལེ་ལོ་གཡེང་བས་སྤུར་ཉིན།།
ཆུ་བོ་སྐམ་པ་ཨེ་རེད།།
རྒྱ་མཚོའི་གཏིང་ལས་ཟབ་པའི།།
རིགས་ལ་བརྩེ་བ་འདི་ནི།།
མི་བརྟན་འགྱུར་བ་བྱུང་ཉིན།།
རྒྱ་མཚོ་འཛད་པ་ཨེ་རེད།།
དམར་ཆུང་སྙིང་ལྟར་གཅེས་པའི།།
བརྩེ་གྲོཌ་འདང་ཅན་དེ་ཡི།།
གསང་གཏམ་ཕྱི་ལ་སྤྲིང་ཉིན།།
སྙིང་ཆུང་ཕྱུང་པ་ཨེ་རེད།།
༢༠༡༣/༡༠/༡༤
