པོ་ཏ་ལ།
པོ་ཏ་ལ་
ཁྱོད་ཀྱི་རྒྱ་ཕིབས་དེ་མཁའ་དབྱིངས་ན་འཚེར་ཏེ།
ལྷ་དང་དང་ལྷ་མོ་མང་པོས་སྐེ་སོ་བྱས་ཡོད་སྐད།
ཕོ་བྲང་དམར་པོ་རུ་གསེར་དངུལ་གྱི་མཆོད་སྡོང་དང་།
འདྲ་སྐུ་མང་པོ་དེ་ལ་བྱིན་རླབས་ཀྱི་ན་བུན་གཏིབས་ཡོད་སྐད།
ཁྱོད་ཀྱི་རྨེང་གཞི་དེ་བྲག་རི་ལྟར་མཁྲེགས་ཤིང་།
འདྲེ་སྲིན་སྡུག་པ་ཅན་མང་པོ་གདན་དུ་བཏིངས་ཡོད་སྐད།
པོ་ཏ་ལ།
དོན་ངོ་མར་མེས་པོ་སྟོང་གིས་རྣམ་ཤེས་འཁོར་སའི་པོ་ཏ་ལ།
ཁྱོད་ཀྱི་བརྗིད་ཉམས་དེ་མི་དམངས་ཁྲི་ཡི་དངུལ་ཆུ་ལས་གྲུབ་པའི་དངོས་པོ་རྡོག་རྡོག
སྲོག་ཆགས་འབུམ་གྱི་ཤ་ཁྲག་ལ་བརྩིགས་པའི་རི་བོ་ཆུང་ཆུང་།
དེ་ཕྱིར་བོད་པའི་ཕྱག་རྟེན།
ཡུལ་སྐོར་བའི་པར་རྟེན།
མདོར་ན་ཚང་མས་སྨོན་པ་བྱེད་བཞིན་ཡོད། །
༢༠༡༢/༨/༡༧
