དེང་འཛམ་གླིང་བརྡ་འཕྲིན་ཀྱི་དུས་རབས་ཞེས་ས་སྒང་འདིའི་ཤར་ནུབ་བར་ཇེ་ཉེ་རུ་ཕྱིན་ནས་གལ་ཆེའི་གསར་འགྱུར་རྣམ་དུས་དང་དུས་སུ་རྒྱ་ཁྱབ་ཐུབ་ཅིང་མིང་དོན་མཚུངས་བའི་དུས་རབས་ཤིག་ཏུ་གྱུར་ཡོད། དེ་ཕྱིར་ཤར་ནུབ་མི་རིགས་ཡོད་དོ་ཅོག་ཚང་མ་དྲྭ་བར་།ཞུགས་ཚད་ཉིན་རེ་བཞིན་འཕེལ་རྒྱས་ཕྱིན་གྱིན་ཡོད་སྐད།དེ་མཚུངས་ང་ཚོ་བོད་པ་ཡང་དེའི་རྗེས་སུ་སྙེགས་བཞིན་ཡོད་ལ། སྙེགས་འོས་པ་ཤིག་ཀྱང་རེད། ཡིན་ནའང་དེ་ལ་དགེ་སྐྱོན་གཉིས་ཡོད་དེ།གཅིག་ཤོས་དེ་འཛམ་གླིང་གི་འཕྲིན་གསར་དང་འཚོ་བའི་རྒྱུན་ཤེས་གལ་ཆེའི་མཛུབ་སྟོན་སོགས་དགོས་གལ་ཆེ་བའི་བརྡ་མང་པོ་ཞིག་ཚེགས་མེད་རྟོགས་པའི་དགེ་མཚན་དུ་མ་སྣང་མོད། ད་དུང་དགོས་གལ་དེ་ཙམ་མེད་པའི་དགོང་མོ་བདེ་ལེགས་དང་ཉིན་གུང་བདེ་ལེགས། ཞོགས་པ་བདེ་ལེགས་སོགས་ནི་ཕན་མེད་གནོད་མེད་སྐོར་ཞིག་དུས་ཚོད་དང་དཔལ་འབྱོར་གྱིས་གཤེད་མ་ལྟ་བུར་གྱུར་གྱིན་པ་ནི་ལེགས་ཉེས་རང་རང་གིས་དཔྱོད།གཅིག་ཤོས་དེ། འཕྲིན་ཚོམ་མང་པོ་ཞིག་ཏུ་ཞུགས། དོན་མེད་ཀྱི་འཆལ་གཏམ། གསར་འགྱུར་རྫུན་མ། བརྩམས་ཆོས་རྐུ་བཤུ། མ་ཚད་ཆོས་ལུགས་དང་ཆོས་ལུགས་མི་དང་མིའི་བར་ལ་དབྱེ་དཀྲུག་ཅི་ཐུབ་དང་། མི་སྒེར་རམ་ལུང་ཚན་དང་ལུང་ཚན་བར་གྱིས་འགལ་བ་ཕྲན་བུ་དག་གི་རྩ་བ་སྔོགས་ནས། གཏམ་འདོད་ཤག་རྒྱག མཐུ་དམོད་མོ་སོགས་ཆོས་ལུགས་དང་ཆབ་སྲིད་གང་ལ་མི་འཐད་པའི་གཡུལ་འཁྲུག་ཞིག་བྱེད་ཀྱིན་འདུག་པ་འདི་ནི་དྲྭ་བའི་བདེ་སྤྱོད་མ་ཤེས་པའི་སྐྱོན་དུ་ཟད།དེ་དག་ལ་བསམ་གཞིགས་དང་སྤངས་བླང་མ་ནོར་བར་རང་རང་གིས་ས་ནས་གོ་རྟོགས་རེ་སད་ཐུབ་ན་ད་གཟོད་དྲྭ་བའི་དུས་རབས་ཀྱི་རྗེས་ཟིན་པ་རེད་སྙམ། ཁྱུང་མུ་ཝེར་ནས།
