ཕ་ཡུལ་གངས་ལྗོངས།
དབལ་སོ་གངས་རི་ཡི་བསྐོར་ཞིང་།།
དྭངས་གཙང་ཆུ་བཞི་ཡི་འགོ་ཁུངས།།
ཀུན་ཕན་བྱམས་བརྩེ་ཡི་ཕ་ས།།
རྩ་གསུམ་ལྷ་གནས་འདིར་ཡིན་རེད།།
གནས་ལྔའི་བྱུར་འབུར་དུ་བལྟམས་ཤིང་།།
བཅུ་རིག་འོ་མཚོ་ཡི་འགོ་ཁུངས།།
ལོ་རྒྱུས་རྡོ་རིང་དེ་བརྟན་ས།།
འོལ་གླིང་གཉིས་པ་འདིར་ཡིན་རེད།།
རང་འབྱུང་གཏེར་ཁ་ཡི་བང་མཛོད།།
འདོད་དགུ་ཡོ་བྱད་ཀྱི་འབྱུང་ཁུངས།།
འབྲུ་སྲན་སྣ་ལྔ་ཡི་ཞིང་ས།།
རིན་ཆེན་ཚལ་གླིང་འདིར་ཡིན་རེད།།
གནོད་སྦྱིན་འཛམ་ལྷ་ཡི་དཀོར་མཛོད།།
ར་བ་སྒོ་བཞི་ཡི་འབྱུང་ཁུངས།།
སྣ་མང་ཕྱུགས་རིགས་ཀྱི་ཕ་ས།།
རྟག་གཟིགས་ནོར་གླིང་འདིར་ཡིན་རེད།།
