སྒྲིག་འཇུག...
སྤྱི་བསྒྲགས།
སྒྲིག་འཇུག...
ལི་ཐོ།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
པར་མཛོད།
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
ནང་འཇུག
སྒྲིག་འཇུག...
དྲ་གྲོགས།
སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
སྒྲིག་འཇུག...
བསམ་པའི་སྡུག་བསྔལ། | 2013/7/18 15:16:00
-
-
བསམ་པའི་སྡུག་བསྔལ།
-
བླ་མེད་བསྟན་མཆོག་ཡང་ཟབ་ཐེག་པའི་བོན།།
-
སྐལ་ལྡན་ཉེ་ལམ་བགྲོད་པ་གཅིག་པུའི་སྒོ།།
-
དམར་ཁྲིད་དགོངས་པའི་མན་ངག་བདུད་རྩིའི་མཛོད།།
-
ཀ་རུ་གྲུབ་པའི་ཁྱུ་མཆོག་ལ་ཕྱག་འཚལ།།
-
-
རྨད་བྱུང་གཤེན་བསྟན་ལྷ་མིའི་གཉེན་གཅིག་པུ།།
-
འཛིན་པའི་མཐུ་སྟོབས་ཡིད་ཅན་དབྱེ་བའི་སྐྱིད།
-
འཕགས་མཆོག་སྐར་ཕྱོགས་ཁྲོད་ན་ཟླ་བ་བཞིན།།
-
མེ་སྟོན་དཀའ་བ་ཐུབ་པ་གང་དུ་བཞུད།།
-
-
རིན་འཛིན་རྒྱ་མཚོའི་མཁྱེན་བརྩེ་ལས་འོང་པའི།།
-
གྲུབ་པའི་བསྟི་གནས་རིན་ཆེན་འབར་བ་ན།།
-
ཁྱུང་ཡུལ་ལྷ་འབངས་བྱེ་བའི་སྐྱབས་ཅིག་སྟེ།།
-
ཁྱེད་སྐུར་རེ་བའི་དད་ལྡན་སྡུག་གིས་སྡོམ།།
-
-
རྟག་འཛིན་འཁོར་ལ་དཔེ་ཡིས་མཚོན་པའི་ཕྱིར།།
-
གཟུགས་སྣང་ཨེ་དབྱིངས་ཀློང་དུ་འབྱམས་པ་ན།།
-
དད་གདམས་གཙང་མས་ཟིན་པ་འཁོར་གྱི་ཚོགས།།
-
སྣང་བའི་དཀྱིལ་འཁོར་མུན་པའི་སྦུབས་སུ་འཕྱན།།
-
-
ཁྱེད་ཐུགས་གདོད་མའི་ཀློང་དུ་ཐིམ་པ་ན།།
-
ཀ་རུའི་ཡུལ་གྱི་ཡིད་ཅན་གདུལ་བྱའི་ཚོགས།།
-
ཕན་བདེའི་འདོད་འཇོ་གྲུབ་ཆེན་གོང་མའི་གདམས།།
-
དམར་ཁྲིད་དགོངས་པའི་རེ་བ་སུ་ལ་ཞུ།།
-
-
སྒོམ་པ་ཟབ་མོས་ཐེག་ཆེན་འཁོར་ལོ་བསྐོར།།
-
ལྟ་བ་ཟབ་མོས་གཞན་རྒྱུད་ཞི་བར་བྱེད།།
-
སྤྱོད་པ་ཟབ་མོས་ཡིད་ཅན་དང་བ་འདྲེན།།
-
དེ་ཕྱིར་གྲུབ་པའི་གནས་འདིར་ཕྱིར་གཟིགས་མཛོད།།
-
-
མེ་སྟོན་བླ་མའི་ཐུགས་བསྐྱེད་ལས་བྱུང་བས།།
-
ཁྱུང་ཡུལ་གྲུབ་པ་ཐུབ་པའི་སྐྱེས་ཆེན་གྱིས།།
-
འོག་མིན་གནས་ཀྱི་ཁེངས་པ་བཅོས་སོ་ཞེས།།
-
དཔྱོད་ལྡན་མཁས་པའི་ལེགས་བཤད་ལུང་གིས་བཤད།།
-
-
ད་ནི་ཐ་སྙད་སྨྲ་བའི་ཁྱུང་ཚོགས་ཀྱིས།།
-
སྟོང་སྐད་གཡུ་འབྲུག་གདངས་ལས་དྲག་པ་ན།།
-
ཚེ་གཅིག་མངོན་སངས་རྒྱས་པའི་ཞིང་མཆོག་ཏུ།།
-
འཁྲིད་པའི་དེད་དཔོན་རེ་ས་སུ་ཞིག་མཆིས།།
-
-
དེ་སྐད་རྗེ་ཁྱེད་གཤེགས་པའི་རྣམ་ཐར་གྱིས།།
-
སྒྲ་འཛིན་བུ་ག་ཡང་ཡང་བརྡུང་པ་ལས།།
-
དྲན་པའི་ཀུན་རྟོག་ཕྱོགས་སུ་འཁྱམས་པའི་ཚེ།།
-
སོར་བཅུ་ག་ཡའི་སྟངས་སྟབས་གར་གྱིས་བྲིས།།
-
-
-
- ཟིན་ཐོ་གོང་མ།ཞིམ་མངར་དཀྲུག་ཇའི་ནང་གི་གཟེ་སྨན།
- ཟིན་ཐོ་འོག་མ།ཐ་སྙད་ཀྱི་རོལ་རྩེད།