རྨེའུ་དཔལ་ཆེན་གྱི་ཞལ་ཆེམས།

ཀ་ཀ་རྒྱུད་གསུང་རབ་འཛིན་པ་ཡི།།

ཁ་ཁ་བ་ཅན་གྱི་བོད་ཡུལ་འདིར།།

ག་གངས་དཀར་སེང་གེའི་བུ་རྒྱུད་བཞིན།།

ང་ང་བདག་བྲལ་བའི་དཔལ་ཆེན་ངས།།

ཅ་བཅོས་མེད་ཐོས་གསུམ་སྒོམ་གསུམ་ལ།།

ཆ་ཆུ་བོ་བཞིན་དུ་འབྲལ་མེད་སྦྱངས།།

ཇ་བྱེ་མའི་གྲངས་ཙམ་ལ་ཤན་དབྱེ།།

ཉ་ཉམས་པ་མེད་པའི་ཚུལ་ཁྲིམས་དང་།།

 ཏ་སྟོང་ཉིད་༼ཟབ་མོ་༽མཐའ་བྲལ་ལྟ་བ་ལྡན།།

ཐ་ཐག་ཆོད་ད་ལྟའི་བེམ་རིགས་བྲལ།།

ན་ནམ་ཡང་སྐྱེ་བ་གསུམ་བཞི་ཞིག།

པ་པཎྚི་ཏ་དང་དཔལ་བོ་དང་།།

ཕ་ཕར་ཕྱིན་རྣལ་འབྱོར་ལུས་ཀྱང་ལེན།།

བ་བེམ་པོ་རུལ་བའི་ལུས་པོ་འདི།།

མ་མེ་ལ་མ་བསྲེགས་རྒྱུད་པ་དང་།།

ཙ་ཙ་རེག་ཅན་གྱི་གཞི་བདག་འཁྲུགས།།

ཚ་ཚ་ཡི་ཚུལ་དུ་མངའ་གསོལ་བས།།

ཛ་རྫུ་བག་གསལ་ལ་གཏེར་དུ་སྦོས།།

ཝ་ཝལེ་ཧྲིག་གེ་ཚེ་སྔོན་ནས།།

ཞ་ཞང་ཞུང་རྒྱ་གར་རྒྱ་ནག་དང་།།

ཟ་ཟ་ཧོར་བ་གོར་བྲུ་ཤ་དང་།།

འ་འ་ཞའི་ཡུལ་ཏུ་ལུས་བླངས་ནས།།

ཡ་ཡི་དམ་སྒྲུབ་པའི་གྲུབ་རྟགས་དང་།།

ར་རིང་སྲེལ་སྐུ་གདུང་མང་འབྱོན་ཏེ།།

ལ་ལས་འཕྲོ་ཅན་གྱིས་དུས་མཐར་འདོན།།

 ཤ་ཤ་རི་རམ་གྱི་འཕེལ་གདུང་ལ།།

ས་ས་ཡི་རྡུལ་བཞིན་གྲངས་འཕེལ་ནས།།

ཧ་ཧོར་ཡུལ་མཐར་རིས་ཚུན་ཆོད་དུ།།

ཨ་ཨ་ཧོ་ཡུལ་འདིར་ཁྱབ་པར་འགྱུར།།

ཀ་ཀ་སྨད་སུམ་ཅུའི་ཞལ་ཆེམས་འདིར།།

ཡིད་ཆེས་པར་མཛོད་ལ་ཐུགས་ལ་ཞོག།

ཅེས་སོ།།