ཆང་གཞས།།

རྒྱ་ཞིང་ཆུ་མའི་ནང་ད།ུ།

འབྲུ་དྲུག་སྙེ་མའི་མགོ་ལྕོག།

 སྐྱི་སེར་རླུང་གི་འགྲོས་ལྟར།།

 ལྡེམ་ལྡེམ་ལྡེམ་ལྡེམ་བྱས་སོང་།།

 ཨ་ཕས་འབྲུ་ཆན་བཙོས་སོང་།།

 ཨ་མས་ཕབས་རྟ་བརྡུང་སོང་།།

 ཞགས་གསུམ་ནང་མོ་དེ་ལ།།

ནས་ཆང་ཟིལ་ཁུ་ཞིམ་པ།།

ཨ་མྱེས་དམག་གཏམ་བཤད་གྲོགས།།

 ཨ་ཝུས་ཡིག་དྲུག་འདོན་གྲོགས།།

 བོན་པོས་ཆོ་རབས་གླེང་གྲོགས།།

 གཡུ་འབྲང་ལྷ་ཡི་བདུད་རྩི།།

 མཆོད་གསུམ་གནམ་ལ་འཕེན་དུས།།

 ཕོ་ལྷས་དབུ་འཕང་བསྟོད་ཐལ།།

 མོ་ལྷས་སྐུ་ཚེ་བསྲིང་སོང་།།

ལྷ་ཡི་བདུད་རྩི་ཡིན་ཟེར།།

མ་སྲུའི་གླུ་དབྱངས་ཁྱོད་དུ།།

སུམ་འདྲེན་ཞབས་དག་གནང་དང་།།

ཕ་ཁུའི་བྲོ་གར་ལྷན་དུ།།

མཆོད་ཆང་གཙང་བཞེས་གནང་ཤོག།