མཁར་རྨེའུ་བསམ་གཏན་རྒྱལ་མཚན།
འཛམ་གླིང་རྒྱལ་སྤྱིའི་བོད་རིག་པའི་མཁས་ཆེན།
ཧྥ་རན་སིའི་ཚན་རིག་ཞིབ་འཇུག་ལྟེ་གནས་ཀྱི་སློབ་དཔོན་ཆེན་མོ།
རྒྱལ་སྤྱིའི་བོད་རིག་པའི་ཞིབ་འཇུག་ཚོགས་པའི་ཚོགས་གཙོ་ཟུར་བ།
རི་བོ་ནི་ཏི་སེ་གངས་ཀྱི་དྲུང་། །
ཆུ་བོ་ནི་ཡར་ཆབ་བཞི་འདུས་འགོར། །
ས་ཚིགས་ནི་འཛམ་གླིང་གི་ལྟེ་བར། །
ཡུལ་མཐོ་ནི་ཞང་ཞུང་སྒོ་ཕུག་བར། །
ས་གཙང་ནི་གངས་རི་མཚོ་གསུམ་དུ། །
སྟོན་པ་ནི་གཤེན་རབ་མི་བོ་ཆེ། །
བོན་སྒོ་ནི་ཆབ་དཀར་ཆབ་ནག་སོགས། །
འགྲེང་དུད་ཀྱི་གསོས་དང་སྐྱེས་སུ་གསུངས། །
རྒྱལ་ཚབ་ནི་མུ་ཆོ་ལྡེམ་དྲུག་དང་། །
མཁས་པ་ནི་འཛམ་གླིང་རྒྱན་དྲུག་གིས། །
མི་རིགས་ནི་སོ་སོའི་སྐད་དུ་བསྒྱུར། །
བཙན་པོ་ནི་གནམ་བབས་ཕྱྭ་ཡི་རྗེ། །
གཟི་བརྗིད་ནི་བྱིན་དང་འཕྲུལ་དུ་ཆགས། །
གནམ་རུམ་ནས་དམུ་ཡི་སྐས་ཐག་བཅས། །
རི་བོ་ནི་གྱང་ཏོའི་རྩེ་རུ་བབས། །
སྐུ་གཤེན་ནི་མཚེ་དང་གཅོའུ་ཡིས། །
བཙན་པོ་ལ་སྐུ་ཡིས་སྲུང་སྐྱོབ་མཛད། །
རྒྱལ་གཤེན་གྱི་བསྟན་པ་མཉམ་དུ་ཆགས། །
བོད་ཡུལ་གྱི་གཤེན་བསྟན་དང་གྲུབ་མཐའི། །
རྒྱུད་འཛིན་གྱི་མཁས་མང་གི་གསུང་ཆར། །
དུས་འདི་རུ་འབེབས་པ་དགེ་བར་སྨོན། །
བོན་གྱི་གསུང་རབ༼གངས་ཏི་སེ་བོན་གཞུང་རིག་མཛོད༽ཅེས་པ་བསྡུ་སྒྲིག་དང་པར་སྐྲུན་མཛད་པ་ལ། མཁར་རྨེའུ་བསམ་གཏན་གྱིས་མཐུན་འགྱུར་གྱི་རྗེས་སུ་ཡི་རངས་དང་བཅས་ཉི་ཧོང་རྒྱལ་ཁབ་ཀྱི་གྲོང་ཁྱེར་ཀི་ཡོ་ཏྲོའི་མཐོ་རིམ་སློབ་གྲྭ་ཆེན་མོར་སྤྱི་ལོ༢༠༠༩ལོའི་ཟླ༡༠བའི་ཚེས༢༥ཉིན་འཕྲལ་དུ་བྲིས།
