རྒྱལ་སྤྱིའི་བོད་རིག་པའི་མཁས་དབང་ཆའར་ལེ་སི་རམ་བྷོ་མཆོག(Charles-Ramble)ནི་དབྱིན་ཡུལ་ཉིག་ཅན་སློབ་གྲྭ་ཆེན་མོ་དང་ཧྥ་རན་སིའི་རྒྱལ་སའི་པ་ལེ་སློབ་གྲྭ་ཆེན་མོའི་དགེ་རྒན་ཆེན་མོ་ཡིན་ལ།  ད་ལྟ་རྒྱལ་སྤྱིའི་བོད་རིག་པའི་གཙོ་འགན་པའི་གོ་གནས་བཞེས་ཡོད།  བརྩམས་ཆོས་གཙོ་བོར་༼བོད་ཀྱི་གནས་མཆོག་དང་མཆོད་མཇལ༽སོགས་ཡོད།  ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པའི་ཞིབ་འཇུག་གླིང་གི་གླིང་གཙོ་རྒན་ཚེ་རིང་ཐར་ལགས་ཀྱིས་ཀྲུང་དབྱང་མི་རིགས་སློབ་གྲྭ་ཆེན་མོར་གདན་དྲངས་པ་ལྟར་སྤྱི་ལོ་༢༠༡༢ལོའི་ཟླ་༦པའི་ཚེས་༡༡ནས་ཚེས་༡༤བར་བོད་རིག་པའི་འཆད་ཁྲིད་བསྟུད་མར་ཐེངས་བཞི་ཙམ་ལ་བྱས་པ་གཤམ་གསལ་ལྟར།

གཅིག  བོད་རིག་པ་ཡོ་རོབ་ཏུ་དར་ཚུལ་གླེང་བ།

གཉིས།  བོད་ཀྱི་རྣམ་ཐར་རྩོམ་རིག་གི་བྱུང་ཚུལ་གླེང་བ།

གསུམ།  བལ་པོའི་ལོ་རྒྱུས་དང་དེའི་རིག་གནས་ཀྱི་སྣ་མང་རང་བཞིན་ངོ་སྤྲོད།

བཞི།  ཤཱཀྱ་ཐུབ་པ་དང་གཤེན་རབ་མི་བོའི་རྣམ་ཐར་ཁྲོད་ཀྱི་བརྗོད་གཞི་འགའི་ཁུངས་འདེད་པ་བཅས་སོ།།