ཉག་ཕྲན་གྱི་བྱིའུ་ཆུང་ང་།

ཁྱུང་བསོད་བློ།

མི་ཚེ་ལྕང་སྡོང་སྐྱ་བོའི་ཉག་ག་ནས།།

མི་རྟག་ལས་ཀྱིས་བཀུག་པའི་འཇོལ་མོ་དེས།།

རྟོག་འགྱུ་སྣང་བས་བསླུས་པའི་གོམ་སྟབས་ཁྲོད།།

གཡུ་ཡི་མེ་ལོང་ངོགས་ནས་བྱ་ར་བྱས།།

ཐང་ཆེན་ནོར་འཛིན་སྒེག་མོའི་བྲང་ཁ་དང་།།

ལྷོ་གླིང་སོག་ཁ་འཇོང་པོའི་གན་གཞུང་དུ།།

ཟླ་བའི་ངོཌ་སུ་འཁྲས་ལ་གྲིབ་གཟུཌ་བཞེངས།

ཐོ་རེངས་ཅག་སྐད་སྒྲོག་མཁན་བྱིའུ་ཆུང་ང་།།

ཉོབ་ཅན་གཏི་མུག་རྒད་པོ་གཉིད་ལས་དགྱེ།།།

སྒེར་ཁུང་སྐར་མདའི་འོད་ལ་ལན་གཅིག་བལྟས།།

རང་ཉིད་མི་རུ་བརྫུས་པའི་བྱིའུ་ཆུང་དཔེ།།

མི་ཚེར་ཡལ་གའི་རྩེ་རུ་འདི་བཞིན་གནས།།

ཞེད་ཀྱི་དྲི་མ་འཐུག་པས་རྫོབ་ཅན་གྱུར།།

ངད་ཀྱི་བག་ཆཌ་སད་ནས་མཐུ་ཞིག་བརྟས།།

ཉམས་ཀྱི་སྣང་བ་གསོད་པའི་ལུས་ཤིག་བླངས།།

ལས་ཀྱི་སྣང་མུན་གསེབ་ནས་ང་ཉིད་འགྱིང་།།

ཉི་ཟླ་རང་འགྲོས་འཁོར་བའི་ནམ་ཟླ་ལ།།

གོར་གོར་ལྕང་ལོ་སྔོན་མོ་མག་མོག་གྱུར།།

ངེས་ཅན་དུས་ཀྱི་འགྱུར་ཁ་ཚ་མོ་དེ།།

བདག་གི་ལང་ཚོ་ཡོལ་བའི་དཔེ་ཟླ་བྱ།།

སྡོང་པོའི་ཡན་ལག་གྲུག་པའི་གནས་ཚུལ་གྱིས།།

གཅེས་འཛིན་ཞེན་པ་དམ་པའི་བེམ་ཁོག་འདི།།

ནམ་ཡང་འཇིགས་ཉེན་ཡོད་པ་ཤེས་སླའོ།།

དེའི་ཕྱིར་དོན་ཡོད་སྒྲུབ་ལ་ཐུགས་མི་གཡེང་།།

༢༠༡༦/༣/༡༣/དགོང་མོར་བྲིས་སོ།།