གསེར་མཚོ་མཇལ་དུ་འགྲོ་ཡ།།

      

    སུ་ཡིས་མིག་བརྡ་མ་འཕང་།།

གང་གིས་ལག་བརྡ་མ་གཏོང་།།

  སྲིད་པའི་ལས་སྨོན་ཞིག་གིས།།

     ལྔ་རིག་ཚང་གི་གཞིས་སུ།།

མཉམ་འཛོམས་མདུད་པ་བཙུཊ་ཡོད།།

    མ་འཆུག་རྟེན་འབྲེལ་དུངས་བ།།

       མི་འཆུག་རྡོ་ཡི་དམ་བཅའ།།

          མ་ནོགས་རྡོ་ལ་བྲིས་པ།།

     ལུགས་མཐུན་སྲིད་པ་རྒད་པོས།

    ཐོག་མ་ཞིག་གི་གཏམ་རྒྱུད།།

   དགའ་བའི་དགོད་སྒྲ་ཤིག་ཤིག།

          སྐྱིད་པའི་གླུ་སྒྲ་སྙན་སྙན།།

ཤར་ཁོག་ཤར་རིའི་གསེར་མཚོར།།

        བལྟ་བ་མིག་གི་ལོངས་སྤྱོད།།

        ནམ་ཡང་ཚིམ་དུ་དཀའ་རྒྱུ།།

     

  གཤོམ་ན་དགའ་མལ་དགོན་ཆེན།།

    བགྲང་ན་གཟི་ཚྭ་སྡེ་དགུ། 

   བོས་ན་དུང་རིའི་གསེར་མཚོ།།

  སེམས་པ་ཁྱོད་ཀྱི་ཕྱོགས་ནས།།

     ནམ་ཡང་གྱེས་སུ་དཀའ་འོ།།

     

     ཚང་ཚིང་གཡུ་ལྗང་སྔོན་མོའི།།

 བསིལ་ཀླུང་ནགས་ཤོད་ལྗོངས་སུ།། 

 ཁྱུ་ཚོགས་ཟུངས་ཁྲག་གཅིག་པའི།།

    དམར་ཡག་མཆེ་བ་བདུན་གྱིས།།

   འཛུམ་དྲུག་རི་མོ་མངོན་འདུག།

      མགོ་ཟླུམ་སྤྱི་ཚོགས་འགྲིམ་སྟེ།།

    ངེས་མེད་གྲུབ་མཐའི་དབུས་སུ།།

      ཤ་འགག་གཡུ་ཐུང་སྔོན་པོས།།

    སྲིད་པ་གཡུང་དྲུང་བཙུན་པའི།།

    དན་རྟགས་ཁྲོམ་དུ་མངོན་ཡོད།།

   ༢༠༡༤-༩-༧-ཁྱུང་བསོད་བློ་ནས།