སྒྲིག་འཇུག...
 
ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
མི་ཚེའི་ཁ་དོག
[ 2016/5/16 9:49:00 | By: vase ]
 

མི་ཚེའི་ཁ་དོག

ཁྱུང་བསོད་བློ།

 ཟླ་བའི་འོད་ལ་འཁྲས་པའི་ལྡིང་ཁང་ནས།།

བློ་སྣ་ལས་ཀྱིས་དེད་པའི་གོམ་ཁ་བསྟར།།

བེམ་གཟུཌ་ཐོ་རུ་འགྱིང་བའི་ལས་དབང་ཁྲོད།།

ཀྱག་ཀྱོག་མི་ཚེའི་ཁ་དོག་འགྱུར་ཁ་ཆེ།།


ཚོར་འདུ་ལབ་གླེང་རྒོད་པའི་སྲུབ་ཀ་དང་།།

རྟོག་འགྱུ་འཕུར་ལྡིང་མོད་པའི་གན་གཞུང་དུ།།

ལང་ཚོའི་ན་རིམ་ཡོལ་བའི་སྐད་ཅིག་མ།།

ལས་ཅན་ཀུན་པོའི་བྲང་ནས་རུ་དཔུང་བསྟར།།


ཕལ་ལ་མངོན་དུ་མེད་པའི་ལྐོག་ལམ་ནང་།།

འགངས་ཆེན་མི་ཚེ་ཡོལ་བའི་ཉེན་འཚུབས་དེ།།

ནམ་ཟླའི་འཁོར་འགྲོས་བསྡེབས་ནས་རྟག་ཏུ་ཤར།།

གཉེན་པོ་སུ་ཞིག་མཁས་ཀྱང་འགོག་མ་ནུས།།


ཡན་ལག་ཧྲག་ཏུ་རྒྱས་པའི་ཉི་མ་ལ།།

ཀུན་མཐུན་མི་རྟག་འཆི་བ་སུས་མི་དྲན།།

ཉིན་ཞིག་འདི་ཕྱི་གཉིས་ཀྱི་བར་མཚམས་སུ།།

རྣམ་རྟོག་ལས་རླུང་བསྡེབ་ནས་སྔ་ཕྱི་བསྒྲིག།


རེ་ཞིག་དཔལ་འབྱོར་ཆེད་དུ་བྲན་གཡོག་གྱུར།།

ཁ་ཅིག་མཚན་སྙན་དོད་དུ་མི་ཚེ་བརྗེས།།

འགའ་ཞིག་ཅལ་འདྲོཌ་གཏམ་གྱིས་སུན་ཉེན་ཆེ།།

གཞན་སྒྲོས་རྗེས་སུ་འདེད་པའི་མི་བུ་མང་།།


སྐྲ་ལོ་གནམ་དུ་བཀན་པའི་ལུས་ཅན་ཚོ།།

རང་ཉིད་དཔལ་འབྱོར་ཁོ་ནར་མ་བརྗེ་བར།།

དཔལ་འབྱོར་རང་གིས་ཆེད་དུ་བློས་ཐོང་ན།།

ནོམ་པོ་རྒྱུ་ཡི་དོན་གོ་ཆོད་ལེ་ཡིན།།


ལས་ཉོན་བཙན་པོ་ཞིག་གིས་ཆམ་དུ་དབབ།།

ཆ་ཅན་འགྲིག་པོ་ཞིག་གི་ལམ་ཁ་ནས།།

ཚོར་གསུམ་དཔྱིད་ཀྱི་ཉི་མ་འདེ་ཉིན་མོར།།

དགའ་སྐྱིད་ལྷུ་ལག་ལོན་ན་ཁ་དགེ་ཡིན།།


༢༠༡༦/༤/༥/དགོང་མོར་སྤེལ་ལོ།།


 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.