འཁྲུངས་སྐར་བསུ་བའི་དར་དཀར།

                                                  ཁྱུང་བསོད་བློ།  

       པོ་ཏི་རླུང་གིས་གཟེད་པའི་ཆར་སྨག་ནང་།།

      གཤེན་གྱི་བཀའ་རྫི་གཉིད་ཀྱིས་ཉོབ་ཉིན་མོར།།

      བོན་གྱི་པོད་གོས་ཚེམ་གྱིས་དྲུབ་མཁས་པོ།།

     འགྲོ་བས་མཇལ་ཁ་ཞུ་ས་མཉམ་མེད་པ།།

     རང་ལྟ་མཁྲེགས་པོ་ཞིག་གིས་མ་བསླད་ལ།།

     ཕྱོགས་རིས་གྱོང་པོ་ཞིག་གིས་མ་འཐེན་པའི།།

     ཞི་བའི་སྤྱན་མིག་གྲུང་པོའི་འཛུམ་ཞལ་ཅན།།

    འཕྲུལ་སྒྲོན་རྣམ་ལྔའི་བདག་པོ་མཉམ་མེད་པ།།

    སྐུ་ཚེ་གྲྭ་རྐྱང་ཞིག་གི་སྟབས་ཀ་ནས།།

   འཚོ་གཟན་ཞབས་ཞུ་གྱ་ནོམ་མ་འཚོགས་ཀྱང་།།

  བདེན་གཉིས་ཤེས་བྱའི་པོད་ཆེན་གྱེན་དུ་བཀན།།

   བདེན་ཁས་ས་མཐར་བསྐྱོད་པའི་ཨ་སྐྱོ་ཞིག། 

    ཤེས་རིག་རལ་གྲི་ཞིག་གི་རྣོ་ངར་རེས།།

   མ་རིག་འཁྲུལ་རྟོག་ཞཌ་པ་ཐག་གེར་བཅད།།

    སྨྲ་སེང་མི་རུ་བརྫུས་པའི་བློ་གྲོས་གཏེར།།

    སྨན་གྱི་རི་ནས་གྲགས་པའི་མཉམ་མེད་པ།།

    མཁས་གྲུབ་ཁྱུང་ཆེན་འཕུར་བའི་ཉག་ག་ནས།།

   རྒྱལ་མཚན་སུམ་རྩེར་བསྒྲེངས་བའི་གྱད་ཆེན་ཁྱེད།།

   འཆད་རྩོད་དྷི་སྒྲ་སྒྲོག་པའི་བསིལ་གདུཌ་འོག།

    སྨན་གྱི་རི་ལ་འཁྲས་མཁན་མཉམ་མེད་པ།།

   ༢༠༡༦/༢/༡༣/ཉིན་བོན་གྱི་གཤེན་རབ་གཉིས་པ་མཉམ་མེད་ཆེན་པོའི་འཁྲུངས་སྐར་ལ་བསྲུང་རྩི་ཞུའོ་འཚོགས་གྲོལ་མ་ཐག་ཏུ་ཕུལ་ལོ།།