གྱེར་གྱི་སྐར་ཆེན།
ཁྱུང་བསོད་བློ།
པོད་བརྩེཌ་རིམ་པ་མཐོ་བའི་གུར་ཁང་དང་།།
དཔེ་ཆའི་འོད་ཀྱིས་དྲོས་པའི་ཉི་ར་ནང་།།
མྱི་ལོ་བརྒྱ་ཕྲག་བརྒལ་བའི་ཞབས་རྗེས་ཅན།།
གྱེར་གྱི་སྐར་ཆེན་ཞིག་གིས་ད་དུང་གསལ།།
ཐུཌ་རྒྱུད་བྱམས་ཀྱིས་བངས་བའི་དགེ་བྱེད་པ།།
ངང་རྒྱུད་ཆུ་ལས་རིང་བའི་ཚིག་མཛོད་དང་།།
གཤིས་རྒྱུད་བལ་ལས་འཇམ་པའི་དཔེ་ཆ་བ།།
འདས་སོང་སྐར་ཆེན་ཞིག་གིས་ད་དུང་གསལ།།
གཞའ་སྤྲིན་ཟེར་ཐག་འཐེན་པའི་སྒང་སྲིབ་ཀྱི།།
སྣང་མུན་བདེན་རྫུན་གཤཌ་པའི་སྐྱ་རེངས་ཏེ།།
བློ་མིག་གྲུང་ཐག་ཆོད་པའི་རིག་སྨྲ་བ།།
ཚད་མའི་སྐར་ཆེན་ཞིག་གིས་ད་དུང་གསལ།།
བྱིན་ཅན་མདོ་སྔཌ་སེམས་ཀྱིས་ནེམ་ནེམ་མཛད།།
ཞི་བའི་ས་རུ་འཛུམ་བཞིན་ཞི་བར་གཤེགས།།
རྨིག་རྗེས་བྲག་ལ་བཅོལ་ནས་ཕེབས་ཡོད་ཀྱང་།།
རྡོ་རིང་འོད་ཀྱི་སྐར་ཆེན་མཉམ་མེད་པ།།
དུས་ཀྱི་སྨག་མཐའ་འཐུག་པའི་གས་སྲུབ་ཏུ།།
གནའ་རྫས་རྙིང་དྲི་བྲོ་བའི་པོད་ཆེན་འགའ།།
ས་འོག་རིམ་པ་དགུ་རུ་ཤོར་ཉིན་མོར།།
གྱེར་བསྟན་ཐུཌ་སུ་བཅང་མཁན་མཉམ་མེད་པ།།
གྲུབ་མཐའི་རུ་དར་བསྒྲིཌ་པའི་རི་ངོགས་སུ།།
རིང་ཐུང་བདེན་པའི་ཕུཌ་ཐག་འགྲན་ཉིན་མོར།།
གསེར་གྱི་བོན་དཔེའི་རྟཌ་མ་ལེན་མཁན་གྱི།།
གླིང་བཞི་ལམ་ལམ་གསལ་བའི་སྐར་ཆེན་ཞིག།
ཆུ་ཁའི་བྱེ་མ་འབྱུང་བས་མ་སྤུར་བར།།
གནད་མདུད་གསལ་ཁ་ཅན་གྱི་བཀའ་སྒྲོམ་སྟེ།།
གོ་དོན་ཉ་ཉོག་མ་ཤོར་མཉམ་མེད་པའི།།
དཔེ་ཆའི་སྐར་ཆེན་དེ་ཡིས་མ་འོངས་གསལ།།
༢༠༡༦/༢/༡༣/ཉིན་མཉམ་མེད་དུས་ཆེན་གྱི་འཁྲུངས་སྐར་ཉིན་མོར་དགོང་ཐུག་ཕོར་གང་རིང་ལ་ཤར་ཤར་འཁྱུག་གོ།
