ཟླ་བའི་འོད་ལ་འཁྲས་པ།

                                       ཁྱུང་བསོད་བློ།

རྔ་ཟོར་མཁའ་ནས་བརྐྱངས་པའི་དགོང་མོ་དང་།།

འོད་ཟོར་བྲག་ལ་ཕོག་པའི་མུན་མཚམས་སུ།།

ཚོར་འདུ་འཕར་ལྡིང་བྱེད་པའི་ལབ་གླེང་འོག།

འདུར་རྒྱུཌ་ཚོམ་བུའི་དབུ་ནག་འོད་ལ་འཁྲས།།

ནག་ཆེན་སྨག་མཐའ་འཐུག་པོའི་གུར་ཁང་དང་།།

སྣང་མུན་ག་འུ་བསྡེབས་པའི་སྲུབ་ཀ་རུ།།

ཉོབ་པོ་གཉིད་ལ་ཆས་པའི་ཡུལ་གྱར་ཚོ།།

ལས་སྣང་རྨི་ལམ་རྒྱུ་བའི་འགྲུལ་བཞུད་མང་།།

ཟླ་ཕྱེད་དབྱིངས་ནས་གུག་པའི་ལྷོད་ཆཌ་ངང་།།

རྒྱུ་སྐར་མཁའ་ནས་གཤར་བའི་རི་ངོགས་སུ།།

བཞི་མདོའི་དྲི་ཟ་ཞིག་གིས་རྒྱལ་ཁམས་འགྲིམས།།

མུན་པ་གླུ་རུ་བསྒྱུར་ནས་ཆས་སྐད་འདུག།

འོད་ཆེན་ལན་ཀ་རུབ་པའི་དབུཌ་ལམ་ནང་།།

ས་ཆེན་སྨག་གིས་བཏུམ་པའི་མཚན་གུང་ལ།།

འབྱམས་ཆེན་སྟོང་པ་ཞིག་ལ་རྟེན་བྱེད་པའི།།

རྔམ་ཆེན་རལ་པ་ཅན་སིག་ཡོད་སྐད་འདུག།

སྣང་བས་ས་རྩ་ནག་པའི་རུ་མཚམས་ནས།།

རལ་པ་གནམ་དུ་རྒྱུ་བའི་གནའ་མི་ཚོས།།

ལྷ་འདྲེར་གཞོབ་དུད་ཤོར་དོགས་ལྟ་སྤྱོད་དེ།།

ད་ཆར་ཅོལ་ཆུང་སེམས་ལ་དྲི་ཙམ་མེད།།

མལ་སར་གཉིད་དུ་བབ་པའི་མཚན་གུང་ལ།།

བག་ཆཊ་ཞེད་ཀྱིས་བགོས་པའི་ཉོན་མོངས་དང་།།

རུ་མ་ལས་ཀྱིས་དེད་པའི་འགྱུ་བ་སོགས།།

ས་བོན་སད་རུང་ཞིག་ལས་མ་འདས་སོ།།

བལ་འདབ་སྤྲིན་ཕུང་གཤཌ་ལ་གཤོག་ལམ་བྱང་།།

ཐལ་རྡུལ་རིམ་པ་གཏོར་བའི་རྣོ་དབལ་ཅན།།

ཚེས་གསུམ་ལྕགས་ཟོར་དཀར་པོའི་གྲིབ་སོ་དེ།།

ཐོག་རེག་སུ་ལ་མ་ཐུག་དགུང་ནས་བསྙེགས།།

༢༠༡༦/༢/༡༩/ཉིན་དྲོ་གཞུང་གྲྭ་ཤག་ནང་ནས་བཏེག་གོ།