འདས་ལོ་བསྐྱལ་བའི་གཏམ་ཤིས།
ཁྱུང་བསོད་བློ།
སྲིད་པ་འདས་གྲོང་ཞིག་གི་བྲང་གཞུང་དུ།།
འཕར་རྩ་མི་རྟག་ཕྲ་མོས་འཇིག་ལ་བྲེལ།།
སྣང་བ་དཀར་དམར་གཤགས་པའི་གྲུ་ཁ་རུ།།
ཞག་ཟླའི་གནམ་ལོ་ཡོལ་བ་གཞི་ནས་ཚོར།།
ལྷ་རུ་ལན་རེ་རྫུན་གྱིས་མ་ངེས་ལ།།
འདྲེ་རུ་ཐེངས་བརྒྱ་སྤྲུལ་བ་མ་ཚད་པའི།།
རྣམ་ཤེས་སྲོག་དབུག་རྒྱུ་སའི་སྲང་ལམ་སྟེ།།
གཡང་དཀར་ལུག་གི་ལོ་ཞིག་མཁའ་ནས་གཤེཌ།།
འགའ་ཞིག་འཛུམ་དུ་མོལ་བར་དགོད་དུ་བཅུག།
རེ་ཞིག་འ་འུར་གཏམ་གྱིས་འདྲོགས་སུ་བྱས།།
རྣམ་རྟོག་ཚ་གྲང་ལྕག་གིས་བསྐུལ་འདེད་ཀྱིས།།
སེམས་དཔའི་ཐུཌ་དམ་དཀྲུཌ་པར་གནོང་འགྱོད་ཞུ།།
ལོ་གཅིག་ཉི་ཟླས་བདེ་སྐྱིད་བསྐྲུན་པའི་བྲང་།།
སྣ་བརྒྱ་བྱ་བའི་རི་སྒང་གཤོང་ཟུར་འགྲིམས།།
ཕན་ཚུན་དགྲ་གཉེན་བདེ་སྡུག་བྲག་འཕྲང་བགོམ།།
སྤྱི་ལོ་སྔ་མའི་གྲིབ་གཟུགས་དེ་རིང་ཡོལ།།
བལ་གྱི་གཡང་ལོ་ཕྱིར་འཐེན་མ་ནུས་ལ།།
སྤྲེལ་ལོའི་ཚེས་ཀྱི་ཟླ་བར་ཆིབ་བསུ་ཅན།།
བདེ་སྐྱིད་རེ་བའི་རིཌ་དྲུག་གསོན་པོ་ཀུན།།
རང་མཐུན་ཁམས་གསུམ་གཞིས་སུ་སྐྱིད་པར་ཞུ།།
སྣུམ་ཆེན་མཐོ་སར་ངོས་དགས་རུ་དར་གཡུགས།།
ཉམ་ཆུང་དམན་སར་ལྐོག་གཡོ་ཟུར་ཟས་བརྙས།།
ཁ་ཁོག་གསེབ་ནས་ནག་ཉེས་ཤོར་དོ་ཅོག།
སོར་བཅུ་ཕྱག་གིས་ཟླུམ་ནས་གུས་གུས་ཞུ།།
སྤྱི་ལོ་གཉིས་ཀྱི་ས་མཚམས་རྩོད་ཉིན་ཏེ།།
མཁའ་འོག་རྒྱུ་སྐར་གྱེས་པའི་སོ་མཚམས་སུ།།
ན་ནིང་བཅོ་ལྔ་ལྷ་མོར་བཀའ་དྲིན་བརྗོད།།
སང་ལོ་བཅུ་དྲུག་གཞོན་ནུ་མཇལ་ཁ་ཞུ།།
༢༠༡༥/ལོ་ཡི་ལོ་མཇུག་སྤྱི་ཟླ་/༡༢/༣༡/དགོང་མོར་བྲིས་སོ།།
