སྒྲིག་འཇུག...
 
ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
ཕྲག་དོག་གིས་སྦྲིད་པ་འགའ།
[ 2016/1/3 20:18:00 | By: vase ]
 

ཕྲག་དོག་གིས་སྦྲིད་པ་འགའ།

   

                                  ཁྱུང་བསོད་བློ། 


དུས་རབས་སྟབས་བདེའི་འཕྲིན་སྟེཌ་ཐོག།

གནམ་ལ་འཕུར་བའི་རྩོམ་ཡིག་དང་།།

ས་ལ་འཛུལ་བའི་སློབ་གསོ་ཞིག།

བྲིས་ནས་དྲྭ་ཐོག་སྤེལ་སྲིད་ཀྱང་།།

ད་དུང་མ་མཐོང་ཁ་ཁྱེར་གྱི།།

ཕྲག་དོག་རྒོད་པའི་དྲྭ་འབུ་མང་།།


དུས་རབས་སྤྱི་ཚོཌ་འཛོམས་པོ་ལ།།

གཤེན་རབ་ཅིག་གིས་རྗེས་གཞག་འདྲ།།

སངས་རྒྱས་ཤིག་གི་མཛད་འཕྲིན་ཞིག།

བཀའ་གསུང་བཀའ་བརྟེན་བསྐྲུན་གཞག་ཀྱང་།

ད་དུང་མ་རེད་མདོག་མདོག་གི།

ཕྲག་དོག་གདོན་གྱིས་བཟི་མཁན་མང་།།


དུས་རབས་ཉེར་གཅིག་རྒོད་པོ་འདིར།།

རྒྱལ་བྱིན་འདྲ་བའི་ལྷ་གཞིས་བཞེངས།།

གཙུག་རིན་འདྲ་བའི་བསྟན་གཞིས་བསྐྲུན།།

བཤད་སྒྲུབ་རུ་དར་བསྒྲེངས་གཞག་ཀྱང་།།

ད་དུང་ཡི་རང་མ་སྐྱེས་པའི།།

དབུ་ལོ་མཁྲེགས་པོའི་དྲྭ་ཉུལ་མང་།།


སངས་རྒྱས་གསོན་པོ་ཕེབས་རྗེས་སུ།།

བཀའ་ལ་གྱོང་གུད་ཤོར་དོགས་བྱས།།

གནམ་གྱི་ཐོག་རྡོ་ཤེད་དུ་བཏེགས།།

བསྟན་པའི་ཀ་ཆེན་བསླངས་གཞག་ཀྱང་།།

ད་དུང་དེ་ཙམ་མ་མགུ་བའི།།

ཕྲག་དོག་ཞོན་པའི་འགྲིམ་འགྲུལ་མང་།།


ཉི་ཤུ་དགུ་ཡི་སྨག་ནག་ནང་།།

བསྟན་པའི་ཆེད་དུ་དཀའ་བ་སྤྱད།།

འགྲོ་བའི་དོན་དུ་ཚེ་སྲོག་བཞེངས།།

གསེར་པོད་གོ་དགུ་ཉར་སྡད་ཀྱང་།།

ད་དུང་བཀའ་དྲིན་མ་ཚོར་བའི།།།

ཡ་ལན་སློག་མཁན་དྲེད་པོ་མང་།།


འདོད་ཡོན་རྦ་ལོག་བརྒྱག་ཉིན་ཏེ།།

སྐད་ཡིག་རྐུབ་སྟེཌ་དམའ་ཉིན་མོར།།

འཆད་རྩོད་རྩོམ་པོ་མགོ་ཡུ་ཚོས།།

ཀ་ཁའི་ཚེ་སྲོག་བསྐྲུན་གཞག་ཀྱང་།།

ད་དུང་བཀའ་དྲིན་མ་ཚོར་བའི།།

ཟ་འགམ་ཟེར་མཁན་ལྟ་ལོག་མང་།།


ལས་དབང་ཞིག་གིས་མ་ཐེག་ནས།།

ཨ་མཆོད་ཞིག་གི་སྐྱེ་བ་བླངས།།

ཤི་གསོན་བློ་བདེ་སེམས་བདེ་བྱས།།

གྱང་ཁུགས་ཤིག་ཏུ་སྒུར་སྡད་ཀྱང་།།

ད་དུང་དཀོར་འགམ་ཟེར་མཁན་གྱི།།

ངོ་ཚ་བྲལ་བའི་ཡོན་བདག་མང་།།


༢༠༡༥/༡༢/༢༦/དྲོ་ཟས་ཕོར་གང་རིང་དུ་ཤར་མར་འཁྱུག་གོ།



 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.