སུམ་པ་གླང་གི་ནོར་བུ།
ཁྱུང་བསོད་བློ།
གྲུབ་ཆེན་བླ་མ་བཞེངས་སའི་ཐང་ཆེན་དུ།།
བརྩེ་ཆེན་དགོངས་པའི་ཐུགས་ཀྱི་ཞིང་ས་བཟུང་།།
ཉམས་ལེན་རིན་ཆེན་འབྲུ་ཡི་ས་བོན་བཏབ།།
ཤར་གྱི་མཛོད་ཆེན་སྡེ་ལྔའི་སྙེ་ལོ་ཡག།
སྐྱེས་ཆེན་ཉི་མ་ཤར་སའི་རི་ཁུག་ཏུ།།
རླབས་ཆེན་སྣང་བ་གཤག་པའི་ནོར་བུ་འཁྲུངས།།
ས་ཆེན་བྲག་དམར་རི་ཡི་མགུལ་དུ་འཁྲས།།
བྱིན་ཆེན་མདོ་སྔཌ་སེམས་ཀྱིས་བརྗིད་ཅིང་ཚུཌ།།
ཆོག་ཤེས་མཁན་པོའི་མཁས་ཚུཌ་ཆུང་ནས་དོད།།
བཅུ་རིག་གཟིགས་པའི་ཤེས་རིག་ལྷན་དུ་རྫོགས།།
ཞི་བ་ལྷ་ཡི་ཞི་དུལ་གཤིས་ལ་བྱང་།།
རིམ་གཉིས་རྫོཌ་པའི་རྣལ་འབྱོར་གསོན་པོ་ཁྱེད།།
སྣང་བ་ཞིག་ལ་ཟུར་མིག་མ་འཕང་ལ།།
དཀར་དམར་ཞིག་གི་རྒྱན་གྱིས་མ་སྤྲས་པའི།།
དགའ་བ་བཞི་ཡིས་ཐབས་ཤེས་སྔ་ཙམ་འཁྱུད།།
བདེ་སྟོང་ཟུང་གི་སུམ་པའི་རྣལ་འབྱོར་ཁྱེད།།
ཕྱི་སྣོད་དག་པར་གཟིཌ་ལ་སྤྱན་དཀྱུས་ཡངས།།
ནང་བཅུད་ལྷ་རུ་བསྒྱུར་བའི་ཉམས་ལེན་ཟབ།།
ཟུང་འཇུག་སྒྱུ་ལུས་བཞེངས་ལ་རྩལ་གསུམ་རྫོཌ།།
མཁས་གྲུབ་ལྟ་བའི་ཁྱུང་ཆེན་ཁྱེད་ཉིད་ལྡིང་།།
རྗེས་གཞག་གཤེན་རབ་པོད་ཀྱི་ཏི་སེའི་པང་།།
རྗེས་འཇུག་བྱེ་བས་ཤེས་རིག་རྩྭ་ཆུ་རོལ།།
སྣ་བརྒྱ་གཅན་གཟན་རྒྱུ་བའི་གངས་ཁྲོད་དུ།།
མདོ་སྔགས་སེམས་ཀྱི་སེང་ཆེན་ཁྱེད་ཉིད་འགྱིང་།།
སྤྲིན་ནག་རླུང་གིས་སྤུར་བའི་གཞའ་གུར་འོག།
སྒོ་མཛོད་གསུང་རབ་ཉི་མ་མཁའ་ནས་ཤར།།
སྒོམ་སྒྲུབ་ཐར་ལམ་དྲོད་སྐྱིད་ལྷན་དུ་རོལ།།
དགེ་མཚན་སྟོང་གི་གཟི་བྱིན་ཁྱེད་ལ་ཕྱུག།
གཞའ་སྤྲིན་མཁའ་རུ་འཁྱུད་པའི་བསིལ་གྲིབ་འོག།
མཚམས་སྤྲིན་དམར་སེར་གཤེན་སྡེའི་ཡོ་ལངས་མཛེས།།
ཟབ་གདམས་ཆབ་ཀྱི་ཏི་སེ་དུ་མའི་ནང་།།
ཁྱེད་ནི་རྣལ་འབྱོར་འཁྲུངས་སའི་ཆུ་མགོ་གཅིག།
ཕ་ནོར་མདོ་སྔཌ་སེམས་ཀྱི་གཤོག་ཟུང་ཡངས།།
ཕྱྭ་གཤེན་ཕྱི་ནང་གསུམ་གྱི་རྔ་གསང་མཐོ།།
རྒྱལ་བསྟན་འཁོར་ལོ་གསུམ་གྱི་མཛད་པ་ཆེ།།
མང་ཐོས་བྱེ་བའི་དབུས་སུ་ཁྱེད་ཉིད་དཔའ།།
༧ རིན་པོ་ཆེ་ཁོང་གི་སྐུ་ཚེ་སྒྲུབ་པ་མཉམ་སྐྱེལ་གྱི་མཛད་འཕྲིན་དང་དགོངས་པའི་ཉམས་ལེན་ཟབ་མོ་ལ་དུས་རྒྱུན་ཡིད་སྨོན་ལན་བརྒྱ་ཤོར་བས་རྐྱེན་བྱས་ནས་དད་པའི་ཕྱག་སོར་སྤྱི་གཙུག་ཏུ་ཟླུམ་བཞིན་སྨྲ་བརྗོད་ཚིག་གི་མཛེས་ལོ་མེད་ཀྱང་ཉབ་ཉོབ་འཁྱུག་པའི་སྨྱུག་ཁ་དེ་དཀྱུས་ཐེངས་ཤིག་ལ་/༢༠༡༥/༡༢/༢༣/ཉིན་/ཁྱུང་བསོད་བློ་/ནས་ཕུལ་ལོ།།
