ལམ་བར་གྱི་ཚོར་བའི་སྟངས་སྟབས།

                                                  ཁྱུང་བསོད་བློ།

ས་གཙང་སུམ་པ་སྒང་གི་སྤང་གཞོང་དུ།།

འཕེན་བྱེད་ཕྲ་མོའི་བག་ཆཌ་མཉམ་དུ་སད།།

སྣུམ་ཅན་གཏེར་སྒྲོམ་ཁ་ཡི་དཀྱིལ་དུ་འཕང་།།

སྨྲ་གླེང་འཛུམ་དུ་མོལ་བའི་ཉི་མ་ཤར།།

དྲང་སྲོང་རྒྱལ་བའི་བསླབ་གསུམ་སྲོག་ལས་གཅེས།།

མཉམ་མེད་བླ་མའི་བཅའ་ཡིག་སྤྱི་བོར་བཀུར།།

འཆད་རྩོད་རྩོམ་རིག་རྒྱུ་བའི་མཐོ་ལམ་ནས།།

སྨྲ་སེང་དགྱེས་པའི་དྷི་སྐད་མཉམ་དུ་བསྒྲགས།།

གཤེན་ཆེན་མྱེས་པོ་གཤེགས་པའི་ཤུལ་ལམ་དུ།།

རྒྱལ་བ་གོང་མས་རྗེས་གཞག་མཛད་རྗེས་དང་།།

རྒྱལ་རབས་དུ་མའི་ལོ་རབས་འཕོ་འགྱུར་སོགས།།

དུས་རབས་འདི་ལ་གསལ་ཁ་ཡོད་ཚུལ་གླེང་།།

རྒྱ་རྔ་མཐིང་བརྡུང་དེ་ལ་ཡུན་རིང་ཉན།།

ཚེམས་ཕྲེང་དུང་གི་རྡོ་ཐེམ་ཡུན་རིང་གཤཌ།།

རྒྱལ་འཕཌ་ཚུལ་ལྡན་དགེན་གྱིས་ཡུན་རིང་བསྐྱང་།།

བཀའ་དྲིན་སྐད་ཅིག་མ་བརྗེད་ཡུན་རིང་དྲན།།

ཐལ་སྐད་དང་པོ་གཏོང་བའི་ཞོགས་པ་ནས།།

བསྡུས་གྲྭ་ངག་ཏུ་གཤར་ནས་ད་ལྟའི་བར།།

ལོ་མང་དཀའ་སྡུག་བརྒྱུད་པའི་ལམ་བར་གྱི།།

གྱ་གྱུ་ཚོར་བའི་བདེ་སྡུག་ལབ་གླེང་བྱས།།

ཕན་ཚུན་དཀར་དམར་འཚེར་བའི་མཆེད་གྲོཌ་བར།།

རེས་མོས་སྔ་ཕྱི་རྒོལ་བའི་སྟངས་སྟབས་དང་།།

ལུས་ཅན་བ་སྤུ་གྲངས་ཀྱིས་དཔོག་ཚོད་སྟེ།།

སྤྱན་ཟུང་ཁྲ་མོའི་ངོས་ལ་ཝ་ལེར་འཆར།།

ཀུན་གསལ་རྒྱལ་འཕཌ་ཉི་ཟླ་དབུས་སུ་ཤར།།

ཀུན་མཁས་ཚུལ་ཁྲིམས་བཤེས་ཀྱི་སྐར་མ་བཀྲ།

འདི་ཕྱིའི་ལམ་སྣ་སྟོན་པའི་སྒྲོན་མེ་གསུམ།།

ཐུགས་རྗེའི་བཀའ་དྲིན་དྲན་པ་ཐེངས་བརྒྱ་མིན།།

༢༠༡༥/༡༢/༦/ཕྱི་དྲོ་ཆུ་ཚོད་/༧/པའི་ཐོག་ཏུ་བྲིས་སོ།