ཨ་འུ་དགེ་ལ་ཆས་པ།

                                                ཁྱུང་བསོད་བློ།

    ལང་ཚོའི་ཤ་འུ་མག་མོག་སེར་ནག་ཆགས།

   ན་སོ་ཡལ་ལོས་གཉེར་རིས་ཚོམ་བུར་དོད།།

 ཚེམས་དཀར་འགྲམ་ཁུཌ་སྐྱི་མོ་སུལ་བུས་བཀང་།།

    ཨ་འུ་དགེ་ལ་བསྐུལ་བའི་ན་ཚོད་སླེབས།།

    འབྱུང་བཞི་གཡོ་བས་པཌ་ཤུན་སེན་མོ་བཀས།།

   སྐྲ་འཇག་སེར་ལོ་ལས་དབང་རླུང་གིས་གཅོད།།

     སྡོང་རུས་ལྷུ་ལག་མི་རྟག་འགྱུར་བས་བཀུག།

      ཨ་འུ་ལག་འཁོར་སྒྲིལ་བའི་ཡུལ་དུ་བཅར།།

   བདེ་སྡུག་འཕར་མའི་སྐྱིད་ཀྱི་གར་སྟབས་ཞན།།

    ལབ་གླེང་རྣོན་པོའི་གཏམ་གྱི་ཁ་ལུ་འཁོབ།།

   གནམ་ལོ་དུ་མའི་གསོན་ལོའི་བསྟར་ཕྲེང་བརྒྱུད།།

          ཨ་འུ་ཉི་མ་འདེ་བའི་ན་ཚོད་སླེབས།།

 ཙན་དན་དཀར་པོའི་ཕྲེང་ཆུང་མཛུབ་མོས་བགྲངས།།

   སྦ་དབྱུག་དཀར་པོའི་ལག་འཁོར་ཤུཌ་སུ་བསྐོར།།

    འབྲུ་ཡི་སྙིང་པོ་མ་ཏྲི་དབྱངས་སུ་བཀྱོན།།

      ཨ་འུ་དགེ་ལ་ཆས་པའི་ནམ་ཟླ་འཆར།།

       འགྲོ་བའི་མ་ལོ་སྐུ་ཚེ་ཆུ་ལས་རིང་།།

      དྲིན་ཆེན་མ་ཡུམ་སྐུ་སྲོག་བྲག་ལས་སྲ།།

    ནད་མེད་བདེ་སྐྱིད་ཉི་མ་མཁའ་ནས་འཆར།།

  དགོས་རྒུ་བཟང་པོའི་དགའ་སྐྱིད་འཛོམས་པར་ཤོག།

སྤྱི་ལོ༢༠༡༥/༧/༣/ཕྱི་དྲོ་འདོད་རྒུ་གཡང་འཁྱིལ་ཁང་དུ་བྲིས།