སྒྲིག་འཇུག...
 
ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
བསམ་ཤེས་དགོས་རྒྱུ།
[ 2015/4/27 21:16:00 | By: vase ]
 

   

      

  བསམ་ཤེས་དགོས་རྒྱུ།

  

༼༡  རང་ཉིད་ལ་མྱོང་བ་མེད་ཀྱང་གཞན་གྱིས་ཧུར་བརྩོན་དུ་སྒྲུབ་བཞིན་པའི་བྱ་བ་ལ་དཀའ་ངལ་ཡོད་པ་ཁྱོད་ཀྱིས་ཚོར་ཤེས་དགོས།

༼༢ རང་ཉིད་ལ་དཀའ་ངལ་གྱིས་གུ་ཡངས་དགོས་པ་བཞིན་མི་གཞན་པར་སོས་དལ་དང་གུ་ཡངས་ཀྱི་འཚོ་བ་སྤྲད་ནས་རང་ཉིད་སྡོད་རྗེས་མི་ཤོང་ཐབས་ཀྱི་བསམ་བློ་སྒོ་འབྱེད་ཤེས་དགོས།

༼༣ ཁྱོད་ཀྱིས་གཟིཊ་དུས་སློབ་གྲྭ་བ་ཞིག་ལ་ཕྱི་ཡན་ལག་གི་འགུལ་སྤྱོད་དེ་ཙམ་མ་མཐོང་ཡང་ནང་བསམ་བློས་ནུས་ཤུགས་བཏོན་ནས་སློབ་ཚན་དང་བཅའ་གཞི་སྒྲིག་ཁྲིམས་ཡུན་རིང་དུ་བསྲུང་བ་ལ་དཀའ་ངལ་གྱི་ཁུར་པོ་ལྕི་པོ་ཡོད་པ་ཁྱོད་ཀྱི་ཤེས་རྟོགས་བྱ་དགོས།

༼༤  རང་ཉིད་ལ་འབྲེལ་འདྲིས་དེ་ཙམ་མེད་ཀྱང་མ་བརྟགས་མ་དཔྱད་གོང་ནས་གཞན་གྱི་ཟེར་སྒྲོས་ཙམ་ལ་ཁ་གཡར་ནས་བློ་ཅལ་འདྲོགས་ཀྱིས་མི་གཞན་ལ་བསྐུར་པ་འདེབས་མི་ཉན།

༼༥ རང་ཉིད་ཀྱིས་དཀའ་བ་བསགས་མ་ནུས་ཀྱང་གཞན་ཀྱིས་བྱ་བཞག་རླབས་ཆེན་བསྐྲུན་པ་ལ་ནམ་ཡང་ཡི་རང་ཞུ་རྒྱུ་ལས་ཕྲག་དོག་དང་ཟུར་ཟས་སྨོད་གཡམ་གཏོང་མི་ཉན།

   ༼༦   རང་ཉིད་ཁེར་རྐྱང་ཆས་པའི་ཉིན་ཞིག་ལར་སུ་ཞིག་གིས་མཐོང་གི་མི་འདུག་བསམ་བཞིན་ལྐོག་གཡོ་ངན་ཇུས་ཀྱི་བྱ་སྤྱོད་སྤེལ་མི་ཉན་ལ་མངོན་ལྐོག་ཐུབ་པའི་ལས་འབྲས་ལ་བརྩི་བསྲུང་ནན་པོ་བྱ་དགོས།

 ༼༧  སོ་སོ་རང་ཉིད་ཀྱི་བྱ་བ་གང་ཞིག་ཡིན་ཡང་འཇོན་པོ་རླབས་ཆེན་མཐོང་ཆེན་ཡིན་བསམ་བཞིན་ཡོད་རྒྱུ་རེད་དེ། གཞན་གྱིས་ནུས་ཚོད་ཐུབ་ཚོད་ཀྱི་བྱ་བ་སྒྲུབ་བཞིན་པ་ཚོ་ལ་བརྙས་བཅོས་དང་མཐོང་ཆུང་བྱེད་མི་ཉན།

༼༨ མཐོ་བའི་རྒྱལ་པོ་ཁྱོད་ལ་མཁོ་དགུ་ཡི་འདོད་ཡོན་ག་ཚད་འཛོམས་ཀྱང་ཁྱོད་ཚིམ་དུས་མི་འདུག་པས།  དམན་སའི་སྤྲང་པོ་དེ་ལ་འདོད་ཡོན་གྱི་དཀོར་ནོར་དེ་བས་ཀྱང་མཁོ་དགོས་ཆེ་བ་ཁྱོས་བསམ་ཤེས་དགོས།

༼༩ མི་རང་རང་སོ་སོས་མདུན་ལམ་དང་གལ་ཆེན་གྱི་དམིགས་ཡུལ་སྒྲུབ་སྐབས་བྱ་བ་སྣ་མང་གི་གསེང་ནས་དགའ་ཕྱོགས་འདོད་མོས་ཀྱི་རིགས་གཅིག་བྱ་བ་སྒྲུབ་པ་ལ་སུ་ཞིག་གིས་བཀག་འགོག་བཟོ་མི་ཉན།

              སླར།

      རང་ཤེད་ང་བོས་མཐོ་མཐོ་མ་ཡིན་ལ།།

 གཤེ་ཤེད་གཏོང་བའི་སྡིག་གཏམ་དེ་བས་མིན།།

    བསམ་ཤེས་སྣ་དགུ་མ་ཡི་གཏམ་ཐུང་ལ།།

 མཐོང་བའི་ལྟད་མོ་འདུག་ན་གཟིཊ་རོཊ་གྱིས།།

      བལྟ་བའི་ཡི་ག་མེད་ན་རྒྱབ་ཏུ་ཐོང་།།

     ༢༠༡༥/༤/༡༧/ཉིན་ཁྱུང་བསོད་བློ་ནས་བྲིས།

 


 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.