ཡོངས་འཛིན་བླ་མ་དྲན་བྱུང་།
འོལ་གླིང་འཕཊ་པ་ཆེན་པོ་སངས་རྒྱས་ཀྱི་བསྟན་འཛིན།།
ཀུན་གླིང་མཁས་པ་ཆེན་པོ་ཚུལ་ཁྲིམས་ཀྱི་རྒྱལ་མཚན།།
འཛམ་གླིང་བླ་མ་ཁྱེད་ཀྱི་ཤེས་རིག་གི་རྒྱ་མཚོའི།།
ཆུ་མགོ་གངས་ལ་གཏུག་ས་རྣམ་གཉིས་དང་ཁྱེད་མཁྱེན།།
རིན་ཆེན་གཏེར་ཁ་གང་བའི་ཤེས་བྱ་ཡི་རིག་མཛོད།།
བཅུ་རིག་རྒྱ་མཚོ་གཤག་ལ་རིག་རྒོད་ཀྱི་གྲུ་པ།།
མདོ་སྔཊ་སེམས་ཀྱི་པོད་ཀ་མཐོ་མཐོ་ཞིག་བརྩིཊ་ལ།།
ཤེས་བྱའི་གནམ་འཕང་བསྐྱོད་ནས་གངས་ལ་དེ་བརྒལ་སོང་།།
གཤེན་རྔ་སྟོང་རི་ཆེམ་པ་མཐོ་མཐོ་ནས་ཕྱར་བཞིན།།
གཤང་ཆེན་ཁྲི་ལོ་གནམ་གྲཊ་ཨམ་ཕྲག་ནང་བཅུག་ལ།།
གསུང་ཆེན་འཕར་པོ་འཕར་ཆུང་ཞལ་ཚེམས་སྦུག་སྐུང་ནས།།
སྐུ་སྲོག་འབན་དུ་བཙུཊ་ནས་བསྟན་དོན་དུ་རེམས་སིག།
གཡུང་དྲུང་བསྟན་པའི་སྒོ་བཞི་མཛོད་ལྔ་ཡི་གདུང་ཆེན།།
བླ་ཆེན་རྒྱལ་བ་གཉིས་པའི་ཕ་ཁྱིམ་གྱི་ཀ་ཆེན།།
ས་ཆེན་བླ་མ་ཁྱེད་ནི་གཤེན་བསྟན་གྱི་བདག་པོ།།
མཐུ་ཆེན་བསྟན་སྲུང་མ་བདུད་བཙན་གསུམ་གྱིས་བསྐོས་སོ།།
གནམ་པཊ་ས་ལ་ལྷུང་བའི་རླུང་དམར་དེ་འཚུབས་དུས།།
མཐོ་འགྱིང་ལྟག་བསྒྱེའི་དཔོན་ལ་ཡར་ཞུ་ཞིག་མ་ཕོད།།
དབང་མེད་ཡུལ་པའི་སྡེ་ཚོར་ནང་གཏམ་ཞིག་ག་ལ།།
ཁ་སོ་ཤུཊ་ཀྱིས་སྡོམ་བཞིན་བསྟན་དོན་དུ་ཆས་སིག།
གསུང་རྟེན་བྱིན་ཅན་ནོར་བུའི་ཁུར་ཆེན་ཞིག་བཅས་ལ།།
སུལ་ཅན་ན་བཟའི་ཤམ་ཐབས་མཐོ་བཅིང་ཙམ་བྱས་ནས།།
ས་མཚམས་མདའ་བཙན་མདུང་གི་སོ་པ་ཡི་གསེབ་ནས།།
སག་སིག་རྡིག་སྒྲ་མ་ཕོད་འཇམ་ཐེངས་ཐེངས་ཕེབས་སོང་།
ཕྱི་གླིང་ཨེ་ཤ་ཡ་ཡི་རི་ཆེན་གྱི་ཐང་དུ།།
བསྟན་སྙིང་ནོར་བུའི་ཁུར་པོ་ལྷོད་ལྷོད་དུ་སར་ཕབ།།
དཔལ་མགོན་དགྱེས་པའི་ས་ཡོན་གསེར་སྐྱེམ་ཞིག་རྒྱས་མཆོད།།
ས་མིག་ནོར་བུའི་དཀྱིལ་དུ་སྨན་རིའི་གླིང་བཏབ་བོ།།
རབ་འབྱམས་རིག་པ་འབུམ་གྱི་ལུང་རིག་གི་ཆུ་མགོ།
ཐོས་བསམ་སློབ་གཉེར་བྱེ་བའི་བྱམས་སྐྱོང་གི་མ་མ།།
རྒྱལ་བ་སྨན་རིའི་ཚང་གི་ཁྲི་འཛིན་གྱི་དཔོན་སློབ།།
བོན་ཕྲུག་བྱེ་བའི་མགོན་དུ་བསྐལ་བརྒྱའི་བར་བཞུཊ་རོཊ།།
༢༠༡༥-༣-༦-ཉིན་སྨྲ་སེང་སྒྲུབ་བའི་འཚོཊ་གྲོལ་མ་ཐག་རང་ཤག་སྐྱིད་འཛོམས་ཁང་དུ་མཁར་པ་བསོད་ནམས་བློ་གྲོས་ནས་བྲིས་སོ།།
