འདས་ཟིན་པའི་ཨ་མྱེ་དྲན་པ།
བྱིས་པའི་གསོན་ཤུཊ་རྒྱས་སའི་སྒོ་ཁར་དང་།།
གཉོམ་པོས་ངུ་ངག་འཐེན་སའི་གྱང་ཁུག་སྟེ།།
ཁྱུང་ནག་མཁར་པ་ཚང་གི་ཉིན་ཁུག་གི།
བྱིས་དུས་ལང་ཚོའི་ཁྲོད་ཀྱི་ཨ་མྱེ་དྲན།།
ཀ་ཁའི་དབྱངས་རྟ་ཞོན་སའི་ཉིན་ཁུག་དང་།།
མར་ཐུད་པུ་ལུ་བརྙབས་སའི་རྩམ་ཁུག་གཉིས།།
གྲྭ་རྐྱང་བདག་གི་མིག་ངོར་དེ་རིང་འཕྲད།།
དྲིན་ཆེན་ཨ་མྱེ་འདས་པ་ཐེངས་གཅིག་དྲན།།
ཐབ་ལྷ་སྔ་ཙམ་འཁོར་སའི་སྒྱེ་པུ་དང་།།
རིམ་པའི་ཐབ་དྲེག་ཆཊ་པའི་ཇ་དམ་གཉིས།།
གྲྭ་རྐྱང་བདག་གི་མིག་ངོར་དེ་རིང་འཆར།།
དྲིན་ཆེན་ཨ་མྱེ་ཟུང་གི་ཞོགས་ཇ་དྲན།།
སྲ་བརྟན་ནག་དྲེག་ཅན་གྱི་ཀ་བ་དང་།།
ཕྱི་ཆུང་ནང་ནག་ཅན་གྱི་སྒོ་ཆུང་གཉིས།།
དེ་རིང་བདག་གི་ཟུར་དུ་སླེབས་ཉིན་མོར།།
དྲིན་ཆེན་ཨ་མྱེ་འདས་པའི་ཁ་བརྡ་དྲན།།
བཟང་དགུ་བཅུད་ལྡན་ཟས་ཀྱིས་ཅོག་རྩེ་གང་།།
སྣ་དགུ་བཏུང་བྱ་མངར་ཆུས་མདུན་ཁྱིམ་བཀང་།།
བཟའ་བཏུང་ཕུན་ཚོགས་གྲལ་དུ་བཀོད་ཉིན་མོར།།
ཨ་མྱེས་གསོག་འཇོགས་ཟས་ཀྱི་འཚོ་བ་དྲན།།
སྤྱི་ཚོཊ་མི་ཡི་གསེང་དུ་འདྲེས་པ་དང་།།
མདུན་ཕྱོཊ་ཐར་པའི་གསེབ་ཏུ་འཁོད་པ་གཉིས།།
དགའ་ཕྱོཊ་ལམ་གྱི་བཞི་མདོ་མ་འཆུག་པ།།
འདས་ཕྱོཊ་ཨ་མྱེ་རྒད་པོའི་བཀའ་དྲིན་དྲན།།
བུ་ཚའི་ཕྱོགས་སུ་ཕྱིར་ལྟས་ཞེ་མ་ཆཊ།།
ཐར་ཕྱོཊ་ཞི་བའི་ལམ་ནས་ཆས་སུ་སོང་།།
ཐ་མལ་སྣང་ཞེན་དེ་ལ་བློ་མ་འཁོར།།
སྣོད་བཅུད་དག་སྣང་སྦྱང་བཞིན་མཐོ་རུ་ལྟོས།།
ཕ་མར་མ་གྱུར་མེད་པའི་འགྲོ་ཀུན་སོཊ།།
སྔ་རབས་འདས་པའི་ཨ་མྱེ་རྒད་པོའི་རྗེས།།
བདག་གིས་ཤུཊ་ཀྱིས་བསྐུལ་བའི་རྣམ་དཀར་གྱི།།
དགེ་བ་མཆིས་ཚད་ཁྱོད་ཚོར་འཕངས་མེད་བསྔོ།།
༢༠༡༥-༢-༢༣-ཁྱུང་བསོད་བློ་ནས།
