སྒྲིག་འཇུག...
 
ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
རྒྱང་རིང་དུ་བཞུད་ཟིན་པའི་བུ།
[ 2014/7/20 7:50:00 | By: vase ]
 


    རྒྱང་རིང་དུ་བཞུད་ཟིན་པའི་སློབ་བུ་ནམ་ལངས་
              སྐར་མ།

   
        ནོར་ལུག་ཤ་མར་ཐུད་ཀྱི་ཟས་དབེན་ཡང་།།
       གཤིས་ལུཊ་ལྔ་རིག་ནོར་བུའི་ཁྱིམ་ཚང་དུ།།
     གནས་ལུཊ་བདེན་དོན་གླེང་བའི་ངལ་གསོ་ཉིན།།
    མཉམ་འཛོམས་ཞོཊ་ཇ་དམར་པོ་ཨེ་དྲན་གདའ།།

         ཐོབ་དཀའི་མི་ཚེ་གྲྭ་རྐྱང་གྲོཊ་ལ་བརྟེན།།
    སྡོད་དཀའི་དབེན་གནས་ཕ་ཁྱིམ་སྨུག་པོར་འཛིན།།
   བཟོད་དཀའི་བརྩེ་དུངས་ཕར་ཀའི་རི་ལ་བཀར།།
       ཞོགས་ཀའི་ལྕཊ་རྔ་དམར་པོ་ཨེ་དྲན་གདའ།།

    ཁ་བའི་དབྱངས་ཀྱི་ཚག་བསྡུམ་མགོ་བཙུཊ་ནས།།
     ཁ་ཕྱོཊ་མདུན་ལམ་མི་འཆུག་དྲང་བདེན་ཆེད།།
       ཁ་ངན་སྤང་པའི་བསླབ་བྱ་ག་ཚད་བསྐྱངས།།
        ཁ་ཁ་གྱེས་པའི་མཚམས་སུ་ཨེ་དྲན་གདའ།།

         གཞན་མགོ་མི་སྒུར་རང་མགོ་ཐོན་ལ་ཉེ།།
      སྨྱུག་གི་གོམ་སྟབས་འཁྱུག་པའི་ལག་རྗེས་སོཊ།།
      དང་པོའི་ལམ་བུ་བཟང་པོ་སུ་ཡིས་གནང་།།
      རྣམ་ཤེས་གསོན་པོ་ཡོད་ན་ཕྱིར་བལྟས་ཤིག།

   མགོ་ནག་ཀླད་བརྒྱ་འཚོཊ་པའི་གདོང་དམར་ཚོས།།
   སྒོ་གསུམ་ཡིད་གཏད་ཆོག་པའི་དབང་ཁམས་དེ།།
     དགེ་རྒན་སུ་ལ་བརྟེན་པའི་བཀའ་དྲིན་ཡིན།།
    དབུ་འཕང་མཐོ་མཐོའི་གསེང་ནས་ཨེ་དྲན་གདའ།།

       ལོ་མང་གྲྭ་རྐྱང་དཀྱུས་མའི་འཚོ་ཁྲོད་བརྟེན།།
     འཚར་ལོངས་ཆ་རུ་བསྡེབས་པའི་སློབ་གླིང་ནང་།།
      ཚ་གྲང་སྐྱིད་སྡུག་ཁུར་པོ་ཟུང་སྦྲེལ་བའི།།
   ཡུན་རིང་འབྲེལ་འདྲིས་གཏམ་དེ་ཨེ་དྲན་གདའ།།

བཟང་པོའི་དུས་ཚོད་གསེར་ལས་འགངས་མཐོ་ཡང་།།
   གཟུ་བོས་མ་བཟོད་དཀའ་སྤྱད་ཨུ་ཚུགས་བསྒྲད།།
    བར་གསེང་སློབ་ཁྲིད་སྐྱོང་བའི་དགེ་རྒན་དེ།།
     རང་ཉིད་རང་མགོ་ཐོན་དུས་ཨེ་དྲན་གདའ།།

        སྐྱ་སེར་འདུ་ར་རྒྱས་པའི་གདང་གྲལ་དུ།།
    དབུ་ཁྱུད་དབུ་འཕང་མཐོ་བའི་གདང་གྱེར་དེ།།
     ཨ་ཧོ་དགེ་རྒན་སུ་ཡིས་བཀའ་དྲིན་ཡིན།།
 གསོན་ལྤགས་རུས་ཁོག་གསེང་ནས་ཕྱིར་དྲན་གྱིས།།

       ལོ་མང་དབེན་སར་བརྟེན་པའི་ལག་རྗེས་ཀྱི།།
      བརྡ་དག་ཚིག་བཅད་ཐར་ཐོར་འབྲི་རྒྱུ་དེ།།
        ཨ་ཧོ་དགེ་རྒན་སུ་ཡིས་བཀའ་དྲིན་ཡིན།།
        ཡ་ཆུང་དྲན་པ་ཡོད་ན་འདང་ཞིག་རྒྱག།

         ང་ལ་ཡོད་པའི་བློ་གཏད་ཁྱོད་ལ་བཅོལ།།
        ཁྱོད་ལ་ཡོད་པའི་ཕྱིར་མིག་མ་གཏད་སྐྱོ།།
        ཞེ་གཏིང་འཆར་དུ་མི་རུང་སྤྱོད་ལམ་ནང་།།
    ཁྱོད་ཉིད་ནམ་ལངས་སྐར་མའི་རྗེས་སུ་བསྙེགས།།

        དགེན་མིང་ང་དང་གྱེས་པའི་རྒྱང་རིང་བུ།།
        དབུགས་ཀྱི་རྒྱུ་བ་ཡོད་ན་འཕར་རྒྱུ་ཞིག།
       སེམས་ཀྱི་ཚོར་བ་ཡོད་ན་ཕྱིར་བལྟས་ཤིག།
     ཨེ་ཡོད་འདྲི་རྩད་གཞིས་བཟུང་ཁྱིམ་ནས་ཤོར།།

        སྤྱི་ལོ་༢༠༡༤-༧-༡༩-ཉིན་རྫོང་སྨན་ཁང་ནང་སྨན་ཁབ་རྒྱག་པའི་རིང་བྱིས་པའི་ཨོ་རལ་དང་རྒད་པོའི་འུག་གཏམ་དང་གཞོན་པའི་གཞས་དབྱངས་སོགས་ཀྱིས་རྣ་བར་སུན་ཉེན་ཆེ་བས་ཉི་མ་མ་ཆོད་དུ་    
              ཁྱུང་བསོད་བློ་ནས་བྲིས་སོ།།

 
 
Re:རྒྱང་རིང་དུ་བཞུད་ཟིན་པའི་བུ།
[ 2014/7/21 20:31:52 | By: སྐུ་མགྲོན་pTkw4A(སྐུ་མགྲོན) ]
 
སྐུ་མགྲོན་pTkw4A(སྐུ་མགྲོན)ཡག་མོ་འདྲ་བྲིས་འགུ་ཨ
 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.