ཁེར་སེམས་འཁྱཊ་ཀྱིས་སྡོམ་པ་ཉུང་ཉུང་མིན།།
མངོན་མེད་གསང་གཏམ་ཤོད་སའི་ནང་མི་ཞིག།
ཡིན་པའི་ཡིད་ཆེས་ཐོག་མ་ཞིག་ནས་ཡོད།།
ལྷག་བསམ་ཟོལ་མེད་སྐྱོང་བའི་སློབ་གསོ་དེ།།
ཐོས་འཛིན་སྦུབས་སུ་མ་ཉར་ཡིད་རེ་སྐྱོ།།
སྒེར་བུ་ཞིག་ལ་ཕྱི་བསམ་དགོས་དབེན་ཀྱང་།།
ཤ་རུས་རྩ་སྐུད་གཅིག་གི་འབྲེལ་ཟབ་པས།།
ཕྱི་བསམ་མི་འཁོར་རང་དབང་ང་ལ་མེད།།
ཁྱོད་ཀྱིས་རྩོད་ལ་མ་འཛེམས་ཡིད་རེ་སྐྱོ།།
མིང་གི་བརྒྱན་པའི་སྤུན་ཟླ་མང་མོད་ཀྱང་།།
ཁྱོད་ནི་དགའ་སྡུག་གླེང་སའི་སྤུན་ཟླ་དངོས།།
ཁེར་རྐྱང་གྲྭ་རྐྱང་ད་དུང་ཁེར་ལུས་ན།།
སྙིང་ཆུང་སེམས་གཏམ་དྲོན་མོ་སུ་ལ་བཤད།།
མ་རྩོད་གོང་ནས་གནས་ཚུལ་འདྲ་མིན་ཞིག།
རྣམ་པའི་སྡུག་ཡུན་མི་འཆར་རང་དབང་དེ།།
སྒེར་བུ་ང་ལ་འགོག་ཐབས་ཁྱོན་ནས་མེད།།
ཁེར་སེམས་འཁྱཊ་ཀྱིས་སྡོམ་པ་ཉུང་ཉུང་མིན།།
རྒྱབ་སྐྱོར་ལྷ་དང་འདྲ་བའི་སྟག་ཤར་དང་།།
མི་མཐུན་དགྲ་བོ་བཏུལ་བའི་དཔུང་རོཊ་ཀྱི།།
གྲོས་མོལ་བྱེད་སའི་ཕོ་རྒོད་ཁྱོད་མེད་ན།།
མི་ཚེའི་དགའ་སྐྱིད་སུ་དང་ལྷན་དུ་རོལ།།
གཅིག་སེམས་གཅིག་ལ་འཁྲི་བའི་བག་ཆཊ་དེ།།
གློ་བུར་བཙན་གྱི་འགོག་ཐབས་ཡེ་ནས་དཀའ།།
གྲོཊ་པོ་ཁྱོད་ཀྱིས་མ་འོངས་དམ་དྲག་དེ།།
དྲན་ཐེངས་རེ་ལ་ཧུ་ཤུ་ཤོར་ཐེངས་རེ།།
བཅུད་ལྡན་ཟས་ཀྱི་གྲོ་བ་དུག་ཏུ་གྱུར།།
འཇམ་ལྡན་གོས་ཀྱི་རེག་བྱ་ཆུ་ལ་ནེབ།།
བདེ་ལྡན་སེམས་ཀྱི་རེག་བྱ་སྡུག་གིས་ཁེངས།།
མཉམ་འཛོམས་བདེ་སྐྱིད་འཕེལ་ཁ་རླུང་ལ་ཤོར།།
གྲྭ་པ་ཞིག་གི་སྒེར་དོན་མ་ཡིན་ཀྱང་།།
གྲོཊ་པོ་ཞིག་གི་ལས་དོན་གལ་ཆེར་འཛིན།།
དྲྭ་བ་ཞིག་གི་ཀླད་པའི་མདུན་ངོས་སུ།།
དྲོ་ཟས་རྨྱིག་ལམ་མ་སོང་འདི་རུ་ཕབ།།
༢༠༡༤-༣-༢༧-དྲོ་གཞུང་འཁོར་དུས་-༢-ཐོག་ཏུ་ཁྱུང་བསོད་བློ་ནས་བྲིས།
