ཁ་སང་ཁེར་རྐྱང་གི་གྱོང་གུད།

       གསོག་འཇོག་སྣུམ་ཞག་གི་མ་ཕྱུག།

     ཞེན་འཇོག་ཆགས་སེམས་དེ་མ་ཆེ།།

        གདེང་འཇོག་གྲྭ་རྐྱང་གི་ན་བཟའ།།

    བགོ་སྐལ་སྟོན་མཆོག་གིས་གནང་བཞག།

     དལ་འབྱོར་དོན་ཡོད་ཀྱི་གཟུགས་ཕུང་།།

        སེར་པོའི་གསེར་ངོ་ཞིག་ལོན་ནས།།

       ལུས་ཟུང་དགེ་བ་ལ་བསྐོར་ཡང་།།

        འདོད་ཡོན་མཐུན་རྐྱེན་དེ་ཞན་འགྲོ།

         མ་འོངས་བདེ་ལམ་གྱི་རྟགས་མ།།

            ཕྱི་མའི་ལམ་སྟོན་གྱི་བྱང་བུ།།

         ད་ལྟའི་ཡིད་ཆེས་ཀྱི་སེམས་རྟེན།།

       ཤམ་ཐབས་དམར་པོ་འདི་ཡིན་འགྲོ།

        ཁྲོམ་ཡུལ་ཁྲིན་གྲོང་ནས་ཉོས་པའི།།

       རྒྱ་རས་དམར་སྨུག་གི་ཤམ་ཐབས།།

      ཤག་ཐབ་ལྕཊ་ཚན་དེས་བསྲེཊ་ཤོར།།

        གྲྭ་རྐྱང་གྱོང་གུད་དུ་བཏང་བཞག།

           གད་བརྡར་འབྱོར་བ་དེ་ཆུང་ལ།།

          རྒྱང་མཐོང་ལན་ཀ་དེ་ཞན་པས།།

        བརྩེ་མེད་ལྕགས་ཐབ་དེས་རྐུས་སོང་།།

           གྲྭ་རྐྱང་གྱོང་གུད་དུ་བཏང་བཞག།

           ཁ་སང་ཁ་ཉིན་གྱི་དགོང་མོར།།

          གྲྭ་རྐྱང་སེམས་ཆུང་གི་ཡིད་རྟེན།།

       ཤམ་ཐབས་ལྕཊ་ཐབ་ཐོག་ཐུག་ནས།།

         གྲྭ་རྐྱང་གྱོང་གུད་དུ་བཏང་བཞག།

      དཀའ་སྤྱད་སྡུག་རུས་ཀྱི་ཡོང་འབབ།།

        ད་ཡོད་རེ་གཉིས་ཀྱི་ཤབ་ཐབས།།

      ད་ཕྱིས་མི་བརླག་པའི་འཕྲིན་བཅོལ།།

     འདུལ་འཛིན་མགོ་ཟླུམ་ཚོས་གསུང་རོཊ།།

    ལྕགས་ཐབ་དམར་ཚན་གྱི་བསྲེཊ་འཕྲོ།

         ཚིག་ཐུང་ཁ་ཤས་ཀྱི་བརྗོད་བྱ།།

       ཆོག་པ་ཡིད་ཆེས་ཀྱི་རྗེས་དཔག།

      ཡ་ཆུང་ནོར་དཀྱིལ་དུ་ཁོལ་སོང་།། ༢༠༡༤-༢-༢༡-དམ་བཅའ་གྲོལ་རྗེས་སུ་   

              ཁྱུང་བསོད་བློ་ནས་བྲིས།