སུམ་པ་གླང་གི་ལྗང་གསར།
 
ཟིན་བྲིས་ལི་ཐོ།
<<  < 2021 - >  >>
1
2345678
9101112131415
16171819202122
23242526272829
3031
སྤྱི་བསྒྲགས།

 

རང་ཅག་གཞུང་ལུགས་ཟབ་མོའི་ཐང་ཆེན་སྟེང་དུ་ཤེས་རིག་སྦྲང་རྩིའི་བཅུད་ལ་ངོམ་མེད་བརྩོན་ལ་བརྩོན་འགྲུས་ཀྱི་ཅང་ཤེས་ལྕག་གི་བསྐུལ་ནས་མདུན་བསྐྱོད་གྱི་གོམ་ཁ་གློད་དེ་ཕེབས་དང་ཕེབས་བཞིན་པའི་སྒང་།     ཕྱིས་ཤེས་རིག་གི་དབལ་ཁ་རྣོ་བའི་སྤུན་གྲོགས་ཚོ།   འདི་ཕྱིའི་མདུན་ལམ་དང་རང་གི་སྐད་ཡིག་རིག་གནས་སོགས་ལ་བསམ་ཞིག་ནན་པོ་བྱས་ནས་ཤེས་རིག་གི་གླིང་ཁ་ལ་མདུན་བསྐྱོད་ཀྱི་གོམ་པ་སྤོས་ནས་ཕེབས་ཤོག་སྤུན་གྲོགས་ཚོ།།    རུས་མིང་བསོད་ནམས་བློ་གྲོས།      དྲྭ་མིང་ཁྱུང་ནག་བློ་གྲོས།      ཁ་པར་ ༡༨༧༠༨༠༨༤༡༩༩            

སྒེར་ཁུང་།  ༡༥༩༨༣༧༩༨༤༦

ཆེད་སྒྲིག་རྣམ་དབྱེ།
ཟིན་ཐོ་གསར་བ།
དཔྱད་གཏམ་གསར་བ།
ཆེམས་གསར་བ།
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
  • ཟིན་ཐོ། 230
  • དཔྱད་བརྗོད། 178
  • ཆེམས། 0
  • ཀློག་གྲངས། 38826


 
ཡིད་སྐྱོ་བའི་རང་ཕྱོགས།
[ 2014/3/25 9:07:00 | By: vase ]
 


      
   
           ཡིད་སྐྱོ་བའི་རང་ཕྱོགས།

   ཡ་ཐོག་སྣོད་བཅུད་སྲིད་པ་སྒང་དུ་རལ།།
མ་ཐོག་དམྱལ་སྲིད་གཅིག་ཀྱང་སྟོང་པའི་རྐྱེན།།
རང་བཞིན་ཆཊ་འཇིག་བྱེད་པོའི་བསྐལ་པ་དེ།།
མི་འབྱུང་སུ་ཡིས་འགོག་མེད་ལས་ཀྱི་གཤིས།།

    ལྔ་རིག་ཟུང་ཁྲག་གཞན་དུ་མ་འཆུག་ལ།།
ཡོངས་སྙིང་ནོར་བུའི་བཅུ་རིག་ས་བོན་བཏབས།
ཕ་ཞིང་གཤིན་པོའི་བཙན་ས་ཟིན་མ་ཟིན།།
ཕ་ཤུལ་བུ་འཛིན་ཁྱོད་ལ་རགས་ལས་སོ།།

གནའ་རྙིང་གསེར་བྲིས་དཔེ་བཙོན་ཁང་དུ་ཤོར།
བརྡ་རྙིང་བཀའ་ཤོག་ཐེམ་སྐས་འོག་ཏུ་སྦས།།
ཀླད་རྙིང་བཙན་ས་བཟུང་བའི་གནའ་མི་དཀོན།
ནམ་ཡང་ཡིད་སེམས་སྐྱོ་བས་གཞན་མ་མཆིས།།

མཐོང་འདྲིས་ཆེ་རིམ་རང་སྐད་མཐོང་ཆུང་བྱེད།།
དབྱངས་གསལ་ནོར་བུ་འདི་ལ་སུན་ཉེན་གྱིས།།
གསང་སྤྱོད་སྦུག་ཏུ་ལྷབ་ལྷུབ་རླུང་གིས་བསྐྱོད།།
  རང་རིགས་དོ་དམ་མེད་པའི་བརྡ་རྟཊ་མངོན།།

     ཟ་ཁ་ལྷ་ལ་གདང་བའི་ཀླད་མེད་ཚོ།།
ཟ་གོས་ལྤཊ་རྩག་སྦུབས་སུ་གཉིད་ཡུན་རིང་།།
    ཟ་སྐད་ར་མ་ལུག་གིས་མི་ཚེ་བསྐྱལ།།
    ཟ་རྗེས་རྐང་རྗེས་མ་ཟིན་སྐྱོ་བ་ལ།།   

   ཨ་མའི་བུ་ཡིས་ཚན་རྩལ་ཀླད་པ་དཀྲུག།
ཆ་མེད་རྡུལ་ཕྲན་དཔྱོད་པའི་རྒྱང་མཐོང་བཟོས།
སྣོད་བཅུད་གོ་ལའི་གསང་བ་འཚོལ་ཚར་རྗེས།།
 ཡ་འཁྱོག་རྐང་པའི་མ་ཐེག་གཞི་ནས་ཚོར།།

   ས་མཐའ་བསྐྱོད་པའི་རྐང་རྩ་ཧྲོང་དུ་གུག།
  ལས་མཐའ་སྐྱོང་བའི་ལག་རྩ་ལྡོག་ལ་ཉེ།།
དམོད་མཐའ་སྦོད་པའི་མཐུ་རྩལ་སྒྲུབ་མ་ནུས།།
ནོར་ལུག་བཤས་འཚོང་ཤེས་ཙམ་ཟ་འགམ་མང་།།

  མ་རྩ་མེད་དུས་སེམས་རྩ་སྟོང་བསམ་མེད།།
   སང་ལོའི་འབུ་ལ་ད་ལོའི་ཟ་ཁ་འགུལ།།
   སྒྱུ་མ་ཕུ་འདེད་ཕྲ་ཞིང་དཔྱད་རྒྱག་ན།།
    སྐྲ་གསེབ་རྐང་དྲི་དྲོ་བའི་བུ་ཁོ་ན།།

 ཉམ་ཆུང་འབྱོར་མེད་འཕྲད་དུས་ཧམ་སྒྲ་ཆེ།།   
   ཇག་པ་ཁྲེལ་མེད་འཕྲད་དུས་ངུ་སྒྲ་སྒྲོག།།
ཤ་རུས་ཟུང་ཁྲག་གཅིག་པའི་སྤུན་ཟླ་ཕལ།།
གཏན་མེད་མགོ་གཉིས་པ་ཡི་མཚན་གཞི་དངོས།
༢༠༡༤-༣-༢༥-ཁྱུང་བསོད་བློ་ནས།





 
 
དཔྱད་གཏམ་སྤེལ་བ།
粗体 斜体 下划线 插入引用 插入表情
Powered by Oblog.