ཤིང་རྟའི་ལོ་གསར།
གླིང་གེ་སར་མི་གཡང་ཉམས་མ་མྱོང་།།
ཕོ་དཔའ་རྩལ་སྟག་གཡང་ཉམས་མ་མྱོང་།།
གཡང་དམུ་ཐག་དགུང་ནས་ཆད་མ་མྱོང་།།
དུས་ད་ནང་ལོ་གསར་ཚེས་བཟང་ཡིན།།
གཞིས་དགའ་ཉེ་སྤུན་གསུམ་དི་རིང་འཛོམས།།
དབྱངས་བསླབ་པའི་ཨ་ཕ་དི་རིང་འཛོམས།།
དྲིན་སྐྱོང་བའི་ཨ་མ་དི་རིང་འཛོམས།།
བློ་འདྲི་སའི་གཅེན་པོ་དི་རིང་འཛོམས།།
གོང་བཀུར་བའི་གཅེན་མོ་དི་རིང་འཛོམས།།
ངེད་དགའ་སྐྱིད་འཚོཊ་པའི་ལོ་གསར་བཟང་།།
ཚེས་གཅིག་གཅིག་མགོ་མའི་སྐར་ཆུ་འདི།།
ཚེ་དབང་ཐང་དར་བའི་ཁྲུས་ཆུ་ཡིན།།
སྟོད་ཕ་ཁྱིམ་ཕུགས་ཀྱི་ཐབ་ཀ་འདི།།
ཤིང་ཙན་དན་མེ་ལྷ་འཁོར་ས་ཡིན།།
དབུས་ཁང་ཁྱིམ་དཀྱིལ་གྱི་ཀ་བ་འདི།།
ཡེ་སྲིད་པ་སྐོས་ཀྱི་བཙུག་པའི་ཤིང་།།
ལག་གཡས་པའི་གྲོ་ལྷ་དཀར་པོ་དང་།།
ལག་གཡོན་པའི་བསྲུབ་ཇ་མངར་མོ་གཉིས།།
ལུས་སེམས་ཁམས་དྭངས་བའི་ཕ་ཟས་ཡིན།།
གཡང་ལྷ་འབྲི་དཀར་མོའི་མར་དཀར་འདི།།
ཟས་བཅུད་བརྒྱའི་ཕུད་ཀྱི་དྭངས་མ་ཡིན།།
ཟོས་བཞག་ན་ཡིད་ཁ་དབང་མེད་འབྱེད།།
བཤམས་བཞག་ན་ལྷ་ཡི་མཆོད་པ་ཡིན།།
བོད་ཤིང་རྟ་ལོ་ཡི་ལོ་འཁོར་ལ།།
ལུས་ནད་མེད་བརྟན་པའི་བཀྲིས་ཤོག།
ངག་ཤིས་བརྗོད་རང་དབང་ཐོབ་པར་ཤོག།
ཡིད་བསླུ་མེད་དཀོན་མཆོག་གསུམ་ལ་གཏོད།།
སྐྱོབ་བསླུ་མེད་སྡོང་གྲོགས་ངེད་ཚོར་མཛོད།།
གྲོཊ་ཚོ་འདི་དེ་སྔོན་སྤེལ་རྒྱུ་ལུས་སོང་ཀྱང་དགོངས་དག་ཞུ།༢༠༡༤-༡-༣༡-ཁྱུང་བསོད་བློ་ནས།
