དྭངས་གཙང་གི་ཆུ་བོ།
སྙོག་མེད་ས་གཙང་དྭངས་གཙང་གི་ཆུ་འདི།།
གངས་ལྗོངས་ཡར་ལུང་གཙང་པོ་ཡི་དྲིན་རེད།
གཏིང་མཐུག་ཞི་བདེའི་རྒྱ་མཚོ་ཡི་ཆུ་འདི།།
ཕྱོཊ་བཞིའི་ཤུཊ་ཆེན་ཁ་འབབ་ཀྱི་རླབས་རེད།།
སྔོ་ལྗང་རྩ་མཆོག་ཟིལ་པ་ཡི་ཆུ་འདི།།
བྱང་གི་གནམ་མཚོ་ཕྱུག་མོ་ཡི་རྩལ་རེད།།
ཕ་ཞིང་རྩ་རའི་དྲོད་གཤེར་གྱི་ཆུ་འདི།།
མ་སྲིང་མཁའ་འགྲོ་བཅུ་གསུམ་གྱི་ཆབ་རེད།།
རྫ་སྤང་གཡུ་ཤོག་རི་སྲིབ་ཀྱི་ཆུ་འདི།།
བྱིན་རྟེན་ཆུ་མིག་བརྒྱད་བཅུ་ཡི་ཁྲུས་རེད།།
ངེས་མེད་དཔག་ཚད་བགྲང་མེད་ཀྱི་རྔམ་འདི།།
རྔུལ་རྫའི་རྔུལ་ཆུ་མཚོ་མོ་ཡི་གཏིང་རེད།།
གངས་འདབས་ཀླུ་མཚོ་རང་བརྡོལ་གྱི་ཆུ་འདི།།
ཐོབ་ཐང་ལྷ་དབང་རྒྱལ་པོ་གིས་གནང་ལ།།
དངོས་གྲུབ་ཀླུ་དབང་བུ་མོ་ཡིས་སྩོལ་སོང་།།
ལྷ་ཀླུ་དཀར་ཕྱོགས་རྒྱལ་པོ་ཚོ་དྲིན་ཆེ།།
༢༠༡༤-༣-༢༢-དི་རིང་འཛམ་གླིང་ཆུ་ཡི་ཉི་མ་ཉིན་ཁྱུང་བསོད་བློ་ནས།
