ཀ་རྩོམ་ཁ་ཚ་ལྕེ་སྦྲིད།

                

         ཀ་ལི་མ་དཀར་བོན་ལ་བསླབ།།

       ཁ་སང་དེ་རིང་ཁམས་རྒན་འགའ།།

      ག་ས་མཁས་མིང་ཐོག་ཙམ་གྱིས།།

       ང་དྲེགས་ངན་པའི་རལ་ལ་ཁད།།

    ཅ་བཟང་གཤེན་གྱི་གཞི་ལམ་འབྲས།།

      ཆ་ཚང་བསྟན་ལ་ངོ་ལོག་པ།།

     ཇ་ཚེ་སྐད་ཙམ་འགྱུར་སླ་བའི།།

      ཉ་མོས་མཚོ་ཆེན་དྲིན་མ་ཚོར།།

      ཏ་ངན་རྟོག་སད་བླ་མ་དང་།།

     ཐ་སྙད་སྒྲོ་བཏགས་དགའ་བ་སོཊ།།

      ད་སྔོན་དྲིན་ལ་ཕྱིར་འབོད་མང་།།

        ན་རགས་མྱུར་དུ་སྐྱེ་ཉེན་ཆེ།།

         པ་ཐུབ་པོ་ཏི་མ་བྱུང་གོང་།།

      ཕ་མེས་རིན་ཆེན་སྒོ་བཞི་མཛོད།།

      བ་གླང་ལྐོག་ཤལ་རྒད་པོ་འགས།།

   མ་ལུས་མངོན་སུམ་རྡོག་བརྫིས་བཏང་།།

     ཙ་རིའི་དོག་ཚེགས་འཕྲང་རྒྱུད་སྐབས།།

      ཚ་གྲང་འཚམས་པའི་དྲིན་མི་ཚོར།།

      ཛ་དྲགས་རྟོག་བློ་འགྱུར་སླ་བས།།

     ཝ་མོའི་ཕྱིར་འབོད་ནམ་ཡང་ལྟས།།

        ཞ་ར་གཡག་རྒན་རྐང་ཆག་དེ།།

       ཟ་ལྷའི་བསོད་ནམས་ཟད་ལ་ཉེ།།

       འ་མཚེར་རྩ་ལ་ཞེ་སུན་ལོག།

      ཡ་མེད་ཁྲབ་ཆུང་འཁྲབ་ལ་ཁད།།

       ར་བ་ནང་གི་ངོ་གཉིས་ཅན།།

      ལ་མེད་ལུང་དུ་ལུས་ཉེན་ཆེ།།

      ཤ་རུས་ཤི་རུས་མི་བརྩི་བར།།

           ས་ཡའི་གྱུ་ལྡོག་ངོ་རེ་ཚ།།

       ཧ་ལམ་ལྷ་འདྲེ་གང་ཁོང་མེད།།

      ཨ་ཕྲུག་ཐོད་པ་མཚན་ལྡན་ངེས།།

      ༢༠༡༤-༣-༡༢-ཁྱུང་བསོད་བློ།