ངོས་བཟུང་མེད་པའི་ཚིག་ཉོབ།
དང་པོ་མཐོང་དུས་ཨ་གསར་མ་ཆེ་དགོས།།
བར་དུ་འཕྲད་དུས་མཐུན་སྒྲིལ་མ་ཆུང་དགོས།།
ཐ་མ་གྱེས་དུས་ངག་སྒོ་མ་ཕོག་ན།
སྲང་ལམ་དབུ་མར་བསྐྱོད་པའི་མི་བུ་མཆོག།
ཆོག་ཤེས་རྒོད་པོས་རན་ཚོད་བཟུང་རྒྱུ་དེ།།
མི་བུ་མཐོ་དམན་སུས་ཀྱང་ལམ་བུ་ཞིག།
འགལ་ཟླའི་གཏམ་ལ་ཡིད་ག་སུ་ལ་མེད།།
རང་ཟླའི་ཕྱོགས་ལ་ཞེན་པ་སུ་ཡིས་ཐོང་།།
སྣེ་གཉིས་བློ་ཡིས་ཕུགས་ཐག་མི་ཆོད་ལ།།
ངོ་གཉིས་གཏམ་གྱིས་རྒྱལ་ཁ་ག་ལ་ལོན།
སྦས་མེད་ཡ་ཆུང་དྲང་པོའི་དཀྱིལ་གཏམ་དེ།།
ལྐོག་མིན་མངོན་དུ་བསྒྲཊ་ན་ཤེས་གསལ་རེད།།
མ་གོ་ཚིག་ལ་སྣོན་ཁ་དགོས་དོན་ཆུང་།།
མ་མྱོང་བུ་ལ་མ་བཤད་མི་ཁྲོལ་ཏེ།།
མ་ལུས་ཕྲག་ཏུ་ཁུར་ལྕི་མ་བབས་གོང་།།
མ་མཐོང་བྱ་བའི་ངལ་དུབ་ག་ལ་ཤེས།།
༢༠༡༤-༢-༦ ཁྱུང་བསོད་བློ་ནས།
