དྲིན་ཕ་མར་བདེ་བའི་དྲིན་ལན་འཇལ།།   

      རང་ཤོང་སའི་རང་ཤག་གྲུ་བཞི་ནང་།།   

     ཚེ་སྡུག་རོགས་བྲལ་བའི་གྲྭ་རྐྱང་སྐྱིད།།

                   

    རྒྱུ་འབྱོར་བའི་དཔོན་ངོ་བསྟོད་མི་དགོས།།

    མཐོ་ཕྱུག་པོའི་ཕྱུག་ངོ་བསྲུང་མི་དགོས།།

   དམའ་ཉམ་ཆུང་བརྡུང་བརྡེག་རྩོད་མི་དགོས།།

    ཚོད་ཆོག་ཤེས་ཟིན་པའི་གྲྭ་རྐྱང་སྐྱིད།།

      རྫུན་མི་ལབ་རྩ་བཞི་སྡོམ་ཕྱུག་ཡིན།།

    རྐུ་མི་བྱེད་གཞན་ནོར་རྔམ་སེམས་སྤང་།།

   སྲོག་མི་གཅོད་བརྩེ་བའི་བདག་པོ་ཡིན།།

   ལོག་མི་གཡེམ་བསླམ་གསུམ་ལམ་པ་ཡིན།།         

     དབྱིབས་འདོད་ཡོན་རི་མོ་མ་མཛེས་ཀྱང་།།

    ལུས་སྒྲིབ་མེད་ཕྱི་གཙང་ནང་གཙང་ཡིན།།    

    གདོང་ཐལ་སྐྱའི་ཚོན་གྱིས་མ་བརྒྱན་ཡང་།།

    བེམ་གཟུགས་ཁོག་ཕྱི་དཀར་ནང་དཀར་ཡིན།།

    དཔོན་མིན་ཡང་རྐུབ་གཡོག་གྲལ་དུ་མེད།།

      ཞབས་ཞུ་སའི་བླ་ཆེན་མ་ཡིན་ཡང་།།   

      བློ་འགེལ་སའི་མི་བུ་གྲུང་མ་ཡིན།།

     ང་ཁེར་རྐྱང་བློ་བདེ་སེམས་སྐྱིད་ཡིན།།

༢༠༡༤-༢-༡༢-དགོང་མོར་ཁྱུང་བསོད་བློ་ནས།