སྙན་ངག་ལགས་ཁྱེད་ཀྱི་ཞལ་རས་ཀྱི་འཛུམས་མདངས་དེ་

ཡལ་དུས་མི་འདུག   

ང་ཡི་སེམས་ཁམས་ཀྱི་བརྩེ་བ་དེ་རྫོགས་དུས་མི་འདུག

་སྙན་ངག་ལགས།   

 འཛུམ་ཆུང་གི་ཞལ་རས་དང་སེམས་ཁམས་ཀྱི་བརྩེ་བ་གཉིས་པོ་དེ་དབྱེ་བ་མེད་པའི་འོ་ཆུ་འདྲེས་མ་ཡང་ཡིན་ལ།   

མཉམ་རྒྱུག་མཉམ་བསྡད་ཀྱི་ལུས་ཀྱི་གྲིབ་སོ་དང་ཤིན་ཏུ་འདྲ།

ངའི་ཡོད་ཚད་མོས་ས་ཁྱེད་ཡིན་ལ།   

ཡོད་རྒུ་ཐམས་ཅད་སྙན་ངག་ཏུ་བསྒྱུར་བའི་འཆར་གཞི་ཡང་ཡོད།      

སྙན་ངག་ལགས།    ད་ཁྱེད་ཀྱི་སྙན་མོ་ངག་གི་འགྱུར་ཁུག་དེ་གབ་སྐུང་མེད་པར་ང་ལ་ངོམ་རོགས་གྱིས་དང་།  

ང་ཡི་ཁྲ་ཆུང་མིག་གི་གཏད་སོ་དེ་ཁྱེད་ཀྱི་ཕྱོགས་ནས་

             དུས་ནམ་ཡང་གྱེས་དུ་མི་འགྲོ་བརྒྱ་ཆ་བརྒྱ།   

                                     ཁྱུང་བསོད་བློ།