གསར་རྙིང་འཁྲུག་པས་ནང་བསྟན་མཐུན་སྒྲིལ་ཉམས།།
འདུས་སྡེ་འཁྲུག་པས་འདུ་ཚོགས་བྱ་བ་ཉམས།།
བཟའ་ཚང་འཁྲུག་པས་བཟའ་མིའི་བརྩེ་དུང་ཉམས།།
རྨིང་གཞི་འཁྲུག་པས་མཁར་རྩེག་བརྟན་རླིང་ཉམས།།
སློབ་གྲོགས་འཁྲུག་པས་སློབ་སྦྱོང་གོང་འཕེལ་ཉམས།།
ཁྱིམ་མ་འཁྲུག་པས་ཁྱིམ་ཚང་བདེ་བ་ཉམས།།
མདོར་ན་ཉམས་པའི་རྐྱེན་གྱི་རྒྱུ་བཙལ་ན།།
བདེ་བའི་གནས་ལ་ནམ་ཡང་སླེབས་དུས་མེད།།
མི་འདོད་སྡུག་ལྕི་སུ་ལ་འགེལ་ཐབས་མེད།།
དེ་མིན་མཐུན་སྒྲིལ་གཏན་གྱི་ལམ་བུ་དེ།།
ནམ་ཡང་སྐྱོང་ན་ནམ་ཡང་བདེ་བ་ཡིན།།
མ་འཁྲུག་ན་དགེ
འཕྲིན་ལས་མ་འཁྲུག་དམིག་བུའི་གནའ་སྲོལ་ཟིན།།
གསར་རྙིང་མ་འཁྲུག་ནང་བསྟན་འཕེལ་རྒྱས་བཟང་།།
འདུ་ཚོགས་མ་འཁྲུག་འདུལ་བའི་བསྟན་པ་བཟང་།།
བཟའ་ཚང་མ་འཁྲུག་འཇིག་རྟེན་ལམ་བུ་བཟང་།།
ཁང་གཞི་མ་འཁྲུག་ཁང་བརྩེག་བརྟན་རླིང་བཟང་།།
སློབ་གྲོགས་མ་འཁྲུག་སློབ་མའི་འཕེལ་རྒྱས་བཟང་།།
ཁྱིམ་པ་མ་འཁྲུག་ཁྱིམ་ཚང་དཔལ་འབྱོར་བཟང་།།
དབུ་མའི་དྲང་ལམ་བསྙེགས་དགོས་མི་བུ་ཚོ།།
༢༠༡༣-༡༢-༢༣- ཁྱུང་བསོད་བློ་ནས།
