སྐྱབས་སུ་མཆི།།

གང་ལ་གང་འདུལ་དེ་ལ་དེ་སྟོན་སྤྲུལ་བསྒྱུར་མཁས་པའི་ཐོད་དཀར་སྲས།།

མཛད་ཆེན་བཅུ་གཉིས་འཕྲིན་ལས་སྐྱོང་བཞིན་བཀའ་འཁོར་ཐོག་མཐའ་བར་གསུམ་ཕབས།།

ཁྱེད་ཉིད་ཕེབས་པ་གཡུང་དྲུང་བོན་གྱི་སྲིད་པ་ཐོག་མ་མགོ་རྩོམ་སྟེ།།    

ཁྱེད་ལ་ཉོན་མོང་སྒྲིབ་ཚོགས་མེད་པས་དེ་ཚོ་འདུལ་བྱེད་བོན་སྒོ་ཞིག།

སངས་འཕགས་ཁྱེད་ལ་མཁོ་དགོས་མེད་ཀྱང་སྙིང་རྗེས་མ་ལ་མ་བཟོད་ནས།།

གདུལ་བྱ་དབང་པོ་རབས་འབྲིང་བསྟུན་ཏེ་འདེགས་ཚོད་གླེག་བམ་ཁུར་པོ་རེ།།

རང་རང་སོ་སོའི་ཕྲག་ཏུ་བཀལ་བཞིན་ཁྱེད་ཉིད་ཞང་བོད་ལྗོངས་སུ་ཕེབས།།།

གདུལ་བྱའི་ཉོན་མོང་བརྒྱད་ཁྲི་བཞི་སྟོང་འདུལ་བའི་བོན་སྒོ་བརྒྱད་ཁྲི་སྟོང་།།

དེ་ལས་ངོ་བོ་ལོག་སུ་མེད་པའི་ཐེག་པ་རིམ་དགུའི་རྣམ་བཞག་ཞིག།

དབང་པོ་རབས་འབྲིང་དགུ་ལ་ལྟོས་བཞིན་རེ་ལ་སྤྱི་དོན་བདུན་བདུན་ཕྱེས།།

མི་མཐུན་སྤང་བྱ་དུག་གསུམ་འདུལ་བྱེད་གཉེན་པོ་ཕྱི་ནང་གསང་གསུམ་ཟབ།།

  

     ༢༠༡༣-༨-༡༣ དགོང་མོར་ཁྱུང་ནག་བསོད་བློ་ནས།