འཛུབ་བཙུགས།
བསོད་བློ།
ཟ་ཁ་གནམ་ལ་གདང་གདང་།།
ཟ་ཡུན་ལྷ་ལས་རིང་རིང་།།
ཟ་འགམ་དཔོན་ངན་ཁག་ཅིག།
ཟ་མཚམས་འཇོག་རྒྱུ་མི་འདུག།
མཐོ་དེད་མ་ཆེ་དགུ་ཆེ།།
མཐོན་པོའི་ཞལ་ངོ་ལྡག་བལྡག།
མཐོན་པོའི་ཞབས་ཞུ་འགའ་ལ།།
མཐོ་དེད་མཚམས་འཇོག་མི་འདུག།
ཨ་ངན་ཁེར་རྐྱང་འགའ་ཡིས།།
ཨ་ར་རྫ་རིས་གསོག་གསོག།
ཨ་ཚོད་རང་གི་མི་ཟིན།།
ཨ་ཁའི་ལས་ཚབས་ཆེ་ཉན།།
དྲང་པོའི་ལམ་བུ་ཐོག་ཏུ།།
དྲང་བདེན་སྐད་ཆ་ཡོད་མདོག།
དྲང་པོའི་ཐིག་ཤིང་འཚོལ་ཀྱང་།།
དྲང་གཏམ་ཡེ་ནས་མེད་ཀི།
ཡོད་ཚད་མགུ་སའི་མཛེས་མ།།
ཡོད་ཚད་མིག་གི་དགའ་སྟོན།།
ཡོད་ཚད་སེམས་ཀྱི་འཁོར་རྟེན།།
ཡོད་ཚད་དབྱར་རྩ་དགུན་འབུ།།
སྲ་བརྟན་སྲོག་ལས་གཅེས་དགོས།།
སྲ་ཉམས་རྡོ་ལས་ཆེ་ཆེ།།
སྲ་མཛེས་འཁོར་ཡུག་བཟང་པོ།།
སྲ་བརྟན་འགྱུར་མེད་གསེར་རེད།།
༢༠༡༣-༧-༡-ཉིན་བྲིས།།
