ལུས་ཤ་ཐལ་སྐྱ་རུ་བསྒྱུར་ནས།     

       ངེས་མེད་ཀྱི་གླིང་ཁའི་གཞི་མདོར་ཞིག་

       ནས་བཅོས་དཀའ་བའི་རྣམ་རྟོག་རྒོད་པོ་ 

     འདི་དུས་རྟག་ཏུ་དྲང་བདེན་གྱི་ལམ་བུ་ 

        ཐོག་འཁྲིད་ཅི་ཐུབ་བྱས་ནས་བསྡད་ཡོད།               

     ཁྱོད་ནི་ངེད་ཚོས་དྲང་བདེན་གྱི་དཔང་པོའི་

       མདུན་དུ་བདེན་དོན་གྱི་སྡུག་རུས་མ་    

         བསགས་མེད་ཀྱང་ང་ཚོ་དང་ཐག་རིང་             

         བའི་བསླུ་མེད་ཀྱི་འབྲས་བུ་ཞིག་

        ཀྱང་ཡིན་ལ།    སྐྱེ་བ་གྲངས་མེད་ནས་       

          གྲངས་མེད་དུ་བསགས་པའི་

        རྣམ་སྨིན་གྱི་རྒྱུ་ཤུགས་ཆེན་ཞིག་ལས་མ་    

      གཏོགས།     སྐྱེ་མི་སྲིད་པའི་ལྐོག་གྱུར་

      གྱི་འཕང་འབྲས་ཞིག་ཀྱང་རེད་འདུག།       

             རྣམ་སྨིན་གྱི་བདེ་བ་ལགས།  

        ཁྱོད་ལ་མི་མགུ་བའི་དུང་བ་ཡང་མེད་ལ།       

           ཁྱོད་ལ་མི་ཆགས་པའི་སྐྱེ་འགྲོ་ཡང་

         ག་ལ་ཡོད།     ཁྱོད་ནི་ཆེས་འགྲུབ་

       དཀའ་བའི་རྣམ་སྨིན་གྱི་འབྲས་བུ་ཞིག་

                 རེད་ལ།       

         རྟོགས་དཀའ་བའི་གསང་གནས་ཀྱི་

      ཨང་ཀི་ཞིག་ཀྱང་ཡིན་ཆོག་ས་རེད།   

      རྣམ་སྨིན་གྱི་བདེ་བ་ལགས།   

    བསམ་གཞིག་ཞིག་གནང་རོགས་ལ་ཕྱིར་                 

                    བལྟས་ཞིག་བྱེད་རོགས།         

      ང་ཚོ་ནི་སྔ་མ་ནས་སྔ་མ་བསགས་

        པའི་མི་དགེའི་རྣམ་སྨིན་གྱི་སྡུག་བསྔལ་

       ལ་བར་ཐག་ཇེ་ཉེ་དང་ཇེ་ཉེ།  

       སྔ་མ་དང་ད་ལྟའི་བསགས་པའི་རྣམ་

     སྨིན་དཀར་པོའི་འཕང་འབྲས་སུ་གྱུར་པའི་               

        རྣམ་སྨིན་གྱི་བདེ་བ་ཁྱོད་ལ་

       ནི་ང་ཚོ་བར་ཐག་ཇེ་རིང་དང་ཇེ་རིང་

        ཅི་ཡིན་ནམ།།    ༢༠༡༣-༦-༢༡-ཕྱི་དྲོ་                        

         འཁོར་དུས་༧་ཐོག་ཏུ་ཆབ་མདོར་བྲིས།།