ཀ་ཁའི་རེ་འབོད།
ཀ་ཡེ་མགོ་ཟླུམ་རྣམ་པ། ཁ་རོགས་མ་འདུག་སློབ་ལ།
ག་དུས་ཡིན་ན་བརྩོན་དགོས། ང་ཡི་རེ་བ་དེ་ཡིན།
ཅ་ཅོའི་འཆལ་གཏམ་མ་མང་། ཆ་ལུགས་འདྲ་མ་འདྲེས་གིས།
ཇ་ཚེ་ཙམ་ལ་མ་སླད། ཉ་ཆུང་བཙུན་ཆུང་རྣམ་པ།
ཏ་ཐའི་དབྱང་གསལ་ཞོན་ནས། ཐ་སྙད་ཕྱོགས་རིས་མ་བྱེད།
ད་ལྟའི་སྤུན་ཟླ་རྣམ་པ། ན་རག་སྒྲིབ་པ་སྦྱོངས་དགོས།
པ་ཏྲའི་གསིང་ནས་གཟིགས་པའི། ཕ་མེས་བསྟན་འཛིན་སྐྱེས་བུ།
བ་གའི་ཉམས་ཐག་སྐྱེ་འགྲོ། མ་ལུས་བདེ་ལ་བཀོད་རོགས།
ཙ་ཀྲའི་བོན་འཁོར་གླིང་དུ། ཚ་གྲང་དུས་ཀྱི་འགྱུར་ལྡོག།
ཛ་དྲག་རླུང་འཚུབ་ཙམ་ལ། ཝ་མོ་ལྟར་དུ་མ་ཞུམ།
ཞྭ་གོས་མེས་པོའི་སྲོལ་བཟང་། ཟ་ཉལ་སྤྱོད་ལམ་གང་ཐད།
འ་ཅག་ཚུལ་དང་མཐུན་པའི། ཡ་རབས་ཀུན་སྤྱོད་འཛིན་དགོས།
ར་བ་གངས་རིའི་བུ་ཕྲུག། ལ་བརྒྱའི་སྙིང་སྟོབས་མ་ཞུམ།
ཤ་རུས་གདུང་རྒྱུད་གཅིག་པའི། ས་ཡ་དྲུག་གི་བོད་མི།
ཧ་ལམ་མདུན་པ་གཅིག་ཡིན། ཨ་ཧོ་བརྟན་པོར་བཞུགས་མཛོད།
སྤྱི་ལོ་ ༢༠༡༢ ཟླ་ ༨ ཚེས་ ༡༥ ཉིན་མོར་ སྲོ་ལོ་དཀར་པོ་ནས་བྲིས།།།
