ཁྱད་བོན་ཟུར་ཙམ་གླེང་བ།

བོན་བསྟན་པའི་བླ་སྲོག་ངོ་མ་སྟེ། །

བཀའ་གསུང་རབ་བཀའ་བརྟེན་དཔེ་རྙིང་ཚོགས། །

གསར་བསྐྲུན་པའི་བློ་ཤུགས་ཆེན་པོ་དེ། །

དགོན་བླ་མ་འདི་ཡི་གཟི་བརྗིད་ཡིན། །

བཀའ་གསུང་རབ་བཀའ་བརྟེན་དཔེ་རྙིང་རྣམས། །

ཕྱོགས་ཕྱུག་པོ་ཡོངས་ཀྱི་བསྐྲུན་བསམ་ཀྱང་།

གསར་བསྐྲུན་པའི་སྐལ་བཟང་ཟླ་བ་དེ། །

དགོན་བསྟན་རྒྱས་གླིང་གི་དབུས་ན་ཤར། །

རབ་འབྱམས་པའི་གཟི་བརྗིད་མ་ཉམས་ངང་།

བོན་བཤད་སྒྲུབ་སྒོམ་གསུམ་སྐྱོངས་ལ་མཁས། །

ཐུགས་ཞི་བའི་གཤིས་རྒྱུད་དྲང་པོ་དེ། །

དགོན་དཔོན་སློབ་རྣམ་པའི་ཁྱད་བོན་ཡིན། །

མཐོ་ལྟ་བ་དབྱིང་ནས་ཡས་ཕུབ་ཅིང་།

དམའ་སྤྱོད་པ་མས་ནས་ཡར་ལ་འཛེག།

རྒྱུད་ཞི་དུལ་ལྷོད་གསུམ་ཕྱུག་པ་དེ། །

དགོན་སྒྲུབ་མཁན་རྣམ་པའི་ཁྱད་བོན་ཡིན། །

བསླབ་རྨ་མེད་ཚུལ་ཁྲིམས་དྲི་ངད་འཐུལ། །

སྒོམ་སླད་མེད་དྭངས་གསལ་ཏིང་འཛིན་རྣོ། །

རྗེའི་འཕྲུལ་སྒྲོན་རྣམ་ལྔ་དབྱང་རྟ་ཞོན། །

གཞུང་ཆེན་པོའི་ཐང་ཆེན་བརྒལ་རྒྱུ་དེ། །

དགོན་བཤད་སྒྲུབ་འདི་ཡི་ཁྱད་བོན་ཡིན། །

ཡུལ་མདོ་སྨད་གང་ནས་ཕེབས་ཡོང་ཀྱང་།

ཕྱོགས་ཡོངས་ལ་ཕྱོགས་རིས་མེད་པར་གཟིག། །

དགོན་སྤྱི་པའི་སྤྱི་དོན་ཕྲག་ལེན་པ། །

དགོན་ལས་འཛིན་ཆེན་མོའི་གཟི་བརྗིད་ཡིན། །

སྤྱི་ལོ་ ༢༠༡༢ ཟླ་  ༨ ཚེས་ ༣ ཉིན་སྲོ་ལོ་དཀར་པོ་ནས།།།