ཁ་ནང་ལ་བསྐོར་ནས་བསམ་བློ་ཐོངས། ཁྱུང་ནག་སྲོ་ལོ་དཀར་པོ།

ཀྱེ་དང་པོ་གྲུབ་མཐའི་མཐུན་སྒྲིལ་དེ། །

ཁྱེད་གྲུབ་མཐའ་སྨྲ་བའི་ལ་རྒྱ་ཟེར། །

ཕྱིས་གྲུབ་མཐའ་འཆད་པའི་བླ་སྤྲུལ་ཚོ། །

ཁྱོད་གྲུབ་མཐའི་ཕྱོགས་ལ་གྱེས་ཡོད་མེད། །

ཁ་ནང་ལ་བསྐོར་ནས་བསམ་བློ་ཐོངས། །

གཞུང་འཆད་རྩོད་བྱེད་པའི་སློབ་ཕྲུག་ཚོ། །

ཕྱི་མཛེས་པོ་འདུལ་བའི་ན་བཟའ་གྱོན། །

ནང་སྙན་པོ་བསླབ་གསུམ་སྡོམ་པ་ཞུས། །

མིང་སྙན་པོ་ལོ་གྲངས་དུ་མའི་རིང་།

གཞུང་འཆད་རྩོད་བྱས་ནས་བཞུགས་ཡོད་ཟེར།

གཞུང་འཆད་རྩོད་བྱེད་པའི་གོ་བའི་ཚད། །

ཁ་ནང་ལ་བསྐོར་ནས་བསམ་བློ་ཐོངས། །

དགོན་འདུལ་བ་སྐྱོངས་བའི་བླ་མ་མིན། །

འབྲོག་མི་སེར་སྐྱོངས་བའི་དཔོན་པོ་མིན། །

ནང་བཟའ་མི་སྐྱོངས་བའི་སྐྱ་བོ་མིན། །

གང་མིན་པ་གསུམ་གྱི་བཙུན་གཟུག་འགའ། །

ལོ་རྟག་པར་སྡོམ་ཁ་གཡར་བ་དེ། །

རང་ཁུར་པོ་ཡིན་མིན་བསམ་བློ་ཐོངས། །

ཆུང་ཀ་ཁ་བསླབ་ནས་སློབ་གྲྭ་འགྲིམས། །

བློ་རིག་གནས་ཀུན་ལ་བརྩོན་འདོག་བྱེད། །

དྲིན་ཕ་མ་དངུལ་ལོའི་བྲན་གཡོག་བསྒྱུར། །

སྒོར་ཚོད་མེད་གཏོང་སའི་སློབ་ཕྲུག་ཚོ། །

ལོ་དུ་མ་སྦྱོང་ལ་བརྩོན་པའི་ཚད།

ཁ་ནང་ལ་བསྐོར་ནས་བསམ་བློ་ཐོངས། །