རྗེས་ལུས་ཀྱི་མིག་ཆུ།
ཡ་དམ་པ་ལགས་ཁྱེད་ཞིང་ཁམས་གཞན་དུ་གཤེགས་སྐབས་ང་རང་ཆབ་མདོ་ལ་ཡོད། གྲོགས་ཞིག་གིས་ཁ་པར་གྱི་འབོད་བརྡ་བཏང་ནས་རང་གི་བཟོད་སྲན་མ་ཐུབ་ཐེངས་གཅིག་ཉན་དུས་བཤད་མི་རུང་བའི་གཏམ་ངན་གཅིག་བསྲིང་། ང་ཡི་སེམས་ཁམས་ཀྱི་འཚོ་བ་ལ་ཚ་ཟིང་ཟིང་གི་ཚོར་སྣང་ཞིག་སྐྱེས། ངའི་མིག་རྩ་ཆུ་ཡིས་བརླན། ཨ་རྫིད་ལས་དབང་བཙན་པོ་ཟེར་བ་འདི་འདྲ་གཟུར་རྒྱུ་དང་གབ་རྒྱུ་མེད་པ་འདི་འདྲ་ཞིག་བསམ་ནས་ང་རང་གི་སེམས་ལ་འགྱུར་ལྡོག་ཐོབ། ཁྱེད་ཞིང་ཁམས་གཞན་དུ་གཤེགས་ཁར་བདག་གི་དངོས་སུ་མཇལ་བའི་གོ་སྐབས་དང་ཞུ་འདོད་པའི་སྐད་ཆ་ནི་གླེང་ས་དེ་བས་ཀྱང་ག་ལ་རྙེད། ང་དང་ང་འདྲ་བའི་དྭ་ཕྲུག་ཚོ་ལ་རྗེས་ལུས་ཀྱི་མིག་ཆུ་སྤར་གང་མ་གཏོག་གཞན་ཅི་ཡོད་། དེ་དང་དེ་འདྲ་བའི་ངེད་སྤུན་གྲོགས་ཚང་མས་སྤྱི་སྡུག་མཉམ་ཁུར་བྱས་ནས་དགེ་བའི་སྡོང་གདབ་མཉམ་དུ་འབུལ་ན་དགའ།།
བླ་སློབ་བར་གྱི་འབྲེལ་བ་ཟབ་མོ་ལས་དབང་བཙན་པོས་དུམ་བུར་གཅོད།
དཀར་ནག་སེར་སྐྱ་ཁྲི་མ་འབུམ་རྣམས་རང་རང་ས་ལ་མིག་ཆུས་བརླན།།
སེམས་ཀྱི་གླུ་སྒྲ་སྒྲ་འཛིན་དབང་པོའི་མགྲོན་པོ་བྱེད་པའི་གོ་སྐབས་བྲལ།།
དག་པའི་ཞིང་ལ་འགྲོ་བ་འདྲེན་པའི་སྟོན་པ་ཆེན་པོ་སྐྱེ་བར་ཤོག། སྤྱི་ལོ་ ༢༠༡༢ ཟླ་ ༧ ཚེས་ ༢ ཉིན་སྲོ་ལོ་དཀར་པོ་ནས་བྲིས།།
