༄༅་། དད་པའི་ཕྱག་སོར་སྤྱི་གཙུག་ཏུ་ཟླུམ་པའི་བསྟོད་གླུ།
ལེགས་པའི་ཡོན་ཏན་སྤངས་པ་ཕུན་ཚོགས་དཔལ་མངའ་བ།།
ལེགས་པའི་ཚད་མེད་འོད་སྟོང་འབར་བའི་བདག་ཉིད་ཅན།།
ལེགས་པའི་བསྐལ་པ་ཚེ་ལོ་བརྒྱ་པའི་མགོན་པོ་མཆོག།
ལེགས་པའི་སྲས་པོ་གཤེན་རབ་མི་བོ་ལན་བརྒྱར་བསྟོད།།
གྱེར་མི་ཚོ་ལ་རྒྱལ་གཤེན་བསྟན་པའི་ཀ་ཆེན་བཞེངས།།
མཛད་ཕྲིན་ཐམས་ཅད་བསླབ་པ་གསུམ་གྱི་བཅའ་གཞི་མཛད།།
ཏིང་འཛིན་རྣམ་གསུམ་ལྟ་བའི་ཕྱོགས་ལ་བཀྱོན་མཁས་པའི།།
ཀུན་ཕན་ལུང་རྟོགས་བསྟན་པའི་ཉི་མ་རྟག་ཏུ་འཆར།།
རིག་པའི་རྒྱལ་པོ་མདོ་སྡེ་གནས་ལུགས་རྫོགས་པ་ཆེ།།
རིག་བརྒྱའི་འབྱུང་གནས་གཤེན་བསྟན་སྤེལ་བའི་དགོང་རྩལ་རྫོགས།།
རིག་གནས་ཀུན་གྱི་གཏིང་མཐའ་ལོན་པའི་རབ་འབྱམས་པ།།
རིག་པའི་དབང་པོ་བསྟན་འཛིན་རྣམ་དག་རྟག་བརྟན་ཤོག །
