བཅུ་དྲུག་ཁ་བའི་ལྷ་མོ།
ཁྱུང་བསོད་བློ།
རྣ་རྩར་བཤིད་བཤིད་ལྡང་བའི་གྲང་ངར་དེ།།
མཆུ་ཏོར་ཆུས་ཆུས་ཤོར་བའི་དཔེ་རུ་བསྙེཌ།།
ཆབ་རོམ་ཏི་སེའི་སྲིབ་ཀྱི་རྣོ་གཟེར་དེ།།
ད་ནངས་ཁ་བའི་མདངས་ཁ་གྲུང་མ་ཞིག།
བཅུ་དྲུག་ཁ་བའི་ལྷ་མོ་དཀའ་ཨེ་ཐེས།།
ད་ལོ་གངས་སར་ཕེབས་པ་དགའ་འདུག་ལ།།
སང་ལོ་དེ་བཞིན་གངས་ཆར་སྩོལ་བར་ཤོག།།
འབྲུ་དྲུག་ཞིང་ས་ཁ་བས་བངས་པར་གྱིས།།
སྨིན་ལེགས་ལང་ཚོ་ཁ་བའི་ལྷགས་རླུང་དེས།།
གནག་ཆུང་ནོར་རྫིའི་ལག་ཆུང་འཁོབ་ཏུ་བཅུག།
ལྷས་ཆེན་དྲུད་མའི་རྐང་ཆུང་གངས་སུ་ཟུག།
བྱིས་དུས་ལྷས་རའི་གདང་ཐག་འཐེན་ཉིན་དྲན།།
གྲང་ངོབ་རླུང་བུ་ཞིག་གིས་ཤུཌ་སུ་བསྐྱལ།།
རྣོ་གཟེར་བུ་ཡུག་ཅིག་གིས་རླན་དུ་བཅུག།
གངས་འཁྱཌ་ཁ་བའི་འདབ་མ་སིབ་སིབ་འཁྱུག།
གངས་ཕྲུག་ཁ་བས་འཕྱིད་པའི་གནས་སུ་གྱར།།
སྙོག་མས་མ་སླད་ཁ་བ་དྭངས་གཙང་མ།།
གོ་ཁའི་ཐལ་དང་གཅིན་སྐྱག་བཞེས་མ་ཤོར།།
འདབ་ལོ་ཕྱོགས་བཅུར་གྱེས་པའི་དཔག་བསམ་སྟེ།།
ལྷ་ཤིང་ཤུག་པའི་ཤུག་འབྲས་བཞེས་རོགས་གྱིས།།
རང་སར་བརྡོལ་བའི་རང་བྱུང་སྐྱེ་ཁམས་ཀྱི།།
ཚང་ཚིང་ནགས་ཀྱི་སྔོ་ལྡུམ་ཁ་བས་བཏུམ།།
ཡལ་ག་སྐྱ་བོའི་ལྕང་སྡོང་གུག་གུག་བཟོས།།
ཚོར་བ་དཀར་འཇམ་མངོན་པར་ལྷིང་འཇཌ་བྱས།།
མཁའ་ནས་མགྱོགས་སུ་ཕེབས་པའི་ཁ་བ་དེ།།
གཤིས་ནས་ལྷག་བསམ་དཀར་པོའི་དཔུང་འཐུག་སྟེ།།
སྲིད་པ་ས་ལ་ཆགས་པའི་བརྒྱུད་རིམ་ཁྲོད།།
ཞལ་རས་དམར་པོ་གྱུར་པའི་ལོ་རྒྱུས་མེད།།
ཆར་རླུང་གནམ་ནས་ལྡང་བའི་སྨག་ནག་ནང་།།
མཐའ་མཚམས་ཏི་སེས་གཡོག་པའི་རི་སྒང་ནས།།
ཡོངས་འཛིན་བླ་མ་ཕེབས་པའི་མཛད་འཕྲིན་ཁྲོད།།
ཞབས་རྗེས་ཁ་བའི་ངོགས་སུ་གཞག་རབས་ཡོད།།
དབྱར་ཆུ་གནམ་ལ་རེ་བའི་ཞིང་འབྲོག་དང་།།
སྟོན་ཆུ་ལྐུགས་པས་ངོམ་པའི་ལྷ་ཀླུ་ཡོངས།།
ཚོར་འདུ་བདེ་སྡུག་འཕར་མའི་སྲུབ་ཀ་རུ།།
བསིལ་བསིལ་ཁ་བ་གངས་ཀྱིས་ནེམ་རབས་ཡོད།།
བཅུ་དྲུག་ལོ་ཡི་ཁ་བ་དང་པོ་དེ།།
བཅུ་དྲུག་ཟླ་ཚེས་དང་པོའི་ཞོཌ་པར་བབས།།
བཅུ་དྲུག་ལང་ཚོའི་གཞོན་ཤ་དཀར་པོ་ངོམ།།
བཅུ་དྲུག་ལོ་ཡི་འགྲོ་ཀུན་ཞལ་རས་དཀར།།
བཅུ་དྲུག་གནམ་གྱི་ཁ་བ་ཐོག་མ་ཁྱོད།།
བཅུ་དྲུག་ཁ་བའི་བུ་ལ་གྲོས་ཤིང་མོལ།།
དབབ་མཚམས་ནམ་འཇོག་སྔ་ཙམ་གསུང་རོཌ་གྱིས།།
བདེ་ལམ་བསྐྱལ་བའི་གྲ་སྒྲིག་ཨང་གསར་དགོས།།
སྤྱི་ལོ་/༢༠༡༦/ལོ་ཡི་གནམ་གྱི་ཁ་བ་ཐོག་མ་དེ/༢༠༡༦/༡/༡/ཉིན་ཏག་ཏག་བབས་འདུག་པས་ཡ་མཚར་བའི་འདུ་ཤེས་ཁྲོད་ཡིག་ཆུང་གི་ཚིག་རིམ་ཞིག་/༢༠༡༦/༡/༡/ཞོཌ་ཇ་ཕོར་གང་གི་རིང་ལ་/ཁྱུང་བསོད་བློ་/ནས་བཏཌ་སོ།།
