བརྩེ་ཆེན་འོ་མའི་མ་ལོ།

     

       དགུང་བླ་རི་གངས་ཀྱི་དབུ་རྩེ་ནས།།

      སྟོན་དཀར་གསལ་ཟླ་བ་ཤར་ཉིན་མོ།།

    མཛེས་འདབ་ཁ་འཛུམ་པའི་རྫི་གཤོག་ཅན།།

      བྱམས་མ་ལོའི་ཞལ་རས་ཡང་ཡང་དྲན།།

 དགུང་སྐར་ཚོཊ་ཆེམ་ཆེམ་འཁྱུག་དགོང་མོ།།

    ང་བུ་ལོ་སྐྱོང་བའི་དྲིན་ཆེན་མས།།

  སྣུམ་ཞིང་འབྲོག་འཚོ་བ་བཙལ་ཉིན་མོའི།།

དགུན་ལྷག་རླུང་འགྲིམས་པའི་བུ་ཡུག་དྲན།།

དེང་མཐུན་རྐྱེན་འཛོམ་པའི་དུས་བཟང་འདིར།།

  གཞོན་འཛངས་མའི་ལང་ཚོ་མཛེས་མ་ཁོམ།།

   རྒས་དབུ་ལོ་དཀར་ལ་དབང་མེད་པའི།།

        ངའི་ཨ་མ་ལོ་ན་བགྲེས་པ་སྐྱོ།

    

    རིགས་བོས་ན་འོད་གསལ་ལྷ་སྲས་མ།།

    རྟེན་དལ་འབྱོར་བསྐྲུན་པའི་དོན་ཆེན་མ།།

   སྡུག་སྲིད་པ་འཁོར་བའི་མཐའ་ལས་བརྒལ།།

   གཞིས་བདེ་ཆེན་ཞིང་དུ་སྐྱེ་བར་ཤོག།།   

   ༢༠༡༤-༧-༢༦-ཁྱུང་བསོད་བློ་ནས།