སུམ་པ་གླང་གི་ལྗང་གསར།
 
ཟིན་བྲིས་ལི་ཐོ།
<<  < 2021 - >  >>
1234
567891011
12131415161718
19202122232425
262728293031
སྤྱི་བསྒྲགས།

 

རང་ཅག་གཞུང་ལུགས་ཟབ་མོའི་ཐང་ཆེན་སྟེང་དུ་ཤེས་རིག་སྦྲང་རྩིའི་བཅུད་ལ་ངོམ་མེད་བརྩོན་ལ་བརྩོན་འགྲུས་ཀྱི་ཅང་ཤེས་ལྕག་གི་བསྐུལ་ནས་མདུན་བསྐྱོད་གྱི་གོམ་ཁ་གློད་དེ་ཕེབས་དང་ཕེབས་བཞིན་པའི་སྒང་།     ཕྱིས་ཤེས་རིག་གི་དབལ་ཁ་རྣོ་བའི་སྤུན་གྲོགས་ཚོ།   འདི་ཕྱིའི་མདུན་ལམ་དང་རང་གི་སྐད་ཡིག་རིག་གནས་སོགས་ལ་བསམ་ཞིག་ནན་པོ་བྱས་ནས་ཤེས་རིག་གི་གླིང་ཁ་ལ་མདུན་བསྐྱོད་ཀྱི་གོམ་པ་སྤོས་ནས་ཕེབས་ཤོག་སྤུན་གྲོགས་ཚོ།།    རུས་མིང་བསོད་ནམས་བློ་གྲོས།      དྲྭ་མིང་ཁྱུང་ནག་བློ་གྲོས།      ཁ་པར་ ༡༨༧༠༨༠༨༤༡༩༩            

སྒེར་ཁུང་།  ༡༥༩༨༣༧༩༨༤༦

ཆེད་སྒྲིག་རྣམ་དབྱེ།
ཟིན་ཐོ་གསར་བ།
དཔྱད་གཏམ་གསར་བ།
ཆེམས་གསར་བ།
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
  • ཟིན་ཐོ། 230
  • དཔྱད་བརྗོད། 178
  • ཆེམས། 0
  • ཀློག་གྲངས། 38521


 
བརྗེད་རྒྱུ་མེད།
[ 2013/5/2 12:32:00 | By: vase ]
 
བརྗེད་རྒྱུ་མེད།
རྟ་ཕོ་རྐྱང་དཀར་རག་པ་བརྗེད་རྒྱུ་མེད།།
འབྲི་མོ་ཁམས་དཀར་བཟང་མོ་བརྗེད་རྒྱུ་མེད།།
ལྷས་ར་གཡང་འཕེལ་ཕྱུག་མོ་བརྗེད་རྒྱུ་མེད།།
བརྗེད་རྒྱུ་མེད་པ་གསུམ་དེ་མིག་ངོར་འཆར།།

ཁ་ཕོར་འབྲུག་རིས་མ་དེ་བརྗེད་རྒྱུ་མེད།།
ཁ་ཟས་འོ་མའི་སྤྲིན་མ་བརྗེད་རྒྱུ་མེད།།
ཁ་ལག་དྲིན་གྱིས་སྐྱོང་བ་བརྗེད་རྒྱུ་མེད།།
ཁ་ཙམ་མ་ཡིན་ཁོག་ཏུ་དྲན་དྲན་ཞིག།

དང་པོའི་ཀ་ཁ་བསླབ་པ་བརྗེད་རྒྱུ་མེད།།
གཉིས་པའི་དཀའ་ལས་རྒྱག་པ་བརྗེད་རྒྱུ་མེད།།
གསུམ་པའི་རྒན་གྱི་སློབ་གསོ་བརྗེད་རྒྱུ་མེད།།
དྲིན་ཅན་བཀའ་དྲིན་དྲན་པ་ཐེངས་གཅིག་མིན།།

བྱིས་པའི་ནུ་ཞོ་མངར་མོ་བརྗེད་རྒྱུ་མེད།།
བྱིས་པའི་རྩེད་ར་འཚོལ་བ་བརྗེད་རྒྱུ་མེད།།
བྱིས་པ་ཕན་ཚུན་དཀྲུག་པ་བརྗེད་རྒྱུ་མེད།།
བྱིས་པའི་སེམས་ཁུར་མི་དགོས་སྐྱིད་པ་ལ།།

ཕན་ཚུན་དབྱེན་གཅུག་བྱེད་པ་བརྗེད་རྒྱུ་མེད།།
ཕན་ཚུན་གྲོས་མཐུན་བྱེད་པ་བརྗེད་རྒྱུ་མེད།།
ཕན་ཚུན་མགོ་སྐོར་གཏོང་བ་བརྗེད་རྒྱུ་མེད།།
ཕན་ཚུན་མི་རྩོད་དམ་བཅའ་བརྗེད་རྒྱུ་མེད།།

ལྷ་ལ་གཏང་རག་ཕུལ་བ་བརྗེད་རྒྱུ་མེད།།
འདྲེ་ལ་གླུད་ཡས་བཀར་བ་བརྗེད་རྒྱུ་མེད།།
ཡར་མཆོད་མར་སྦྱིན་བྱེད་པ་བརྗེད་རྒྱུ་མེད།།
རྟག་ཏུ་བསྟན་སྲུང་གཙོ་བོ་བརྗེད་རྒྱུ་མེད།།

རང་ཚུག་རང་ཟིན་དགོས་པ་བརྗེད་རྒྱུ་མེད།།
རང་ཆས་རང་འཛིན་དགོས་པ་བརྗེད་རྒྱུ་མེད།།
རང་སྐད་རང་སྦྱོང་དགོས་པ་བརྗེད་རྒྱུ་མེད།།
རང་བསྟན་རང་གཅེས་དགོས་པ་བརྗེད་རྒྱུ་མེད།།

ད་ལྟའི་སློབ་གླིང་འཚོལ་བ་བརྗེད་རྒྱུ་མེད།།
མ་འོངས་མདུན་ལམ་བཟང་པོ་བརྗེད་རྒྱུ་མེད།།
འདི་ཕྱི་གཉིས་ཀར་བདེ་བ་བརྗེད་རྒྱུ་མེད།།
ད་ལྟའི་ལྷག་བསམ་དཀར་བ་བརྗེད་རྒྱུ་མེད།།

བླ་མའི་ཟབ་གདམ་གནང་བ་བརྗེད་རྒྱུ་མེད།།
ཨ་མའི་ནུ་ཞོ་མངར་མོ་བརྗེད་རྒྱུ་མེད།།
ཨ་ཕའི་ཁ་ཏྭའི་སློབ་གསོ་བརྗེད་རྒྱུ་མེད།།
ཨ་ཕྲུག་རང་གི་ཁུར་པོ་བརྗེད་རྒྱུ་མེད།།

རང་སྡོམ་མངོན་ལྐོག་གཅེས་པ་བརྗེད་རྒྱུ་མེད།།
རང་སྒྲིག་རང་གི་སྲུང་བ་བརྗེད་རྒྱུ་མེད།།
རང་སྡོམ་རང་གི་གཅེས་པ་བརྗེད་རྒྱུ་མེད།།
རང་གི་ཚད་ལྡན་ཚུལ་མཐུན་བརྗེད་རྒྱུ་མེད།།

ལས་འབྲས་བརྩི་སྲུང་དགོས་པ་བརྗེད་རྒྱུ་མེད།།
དྲང་པོའི་དྲང་ལམ་བསྙེགས་པ་བརྗེད་རྒྱུ་མེད།།
བདེན་པའི་བདེན་དཔང་འཚོལ་བ་བརྗེད་རྒྱུ་མེད།
རྫུན་མའི་རྫུན་ཚིག་སྤང་བ་བརྗེད་རྒྱུ་མེད།།

གཞན་གྱིས་འཕྱ་སྨོད་གཏོང་བ་བརྗེད་རྒྱུ་མེད།།
གཞན་གྱིས་སྤྲེལ་ལད་འཁྲབ་པ་བརྗེད་རྒྱུ་མེད།།
གཞན་གྱིས་ལད་མོ་བྱེད་པ་བརྗེད་རྒྱུ་མེད།།
གཞན་གྱི་རང་མཚང་སློག་པ་བརྗེད་རྒྱུ་མེད།།

ལྟ་བ་ཡས་ནས་ཕབ་པ་བརྗེད་རྒྱུ་མེད།།
སྤྱོད་པ་མས་ནས་འཛེགས་པ་བརྗེད་རྒྱུ་མེད།།
གཞི་ཡིས་སྙིང་རྗེ་བསྐྱངས་བ་བརྗེད་རྒྱུ་མེད།།
ཐབས་ཤེས་ཟུང་འབྲེལ་སྤྱོད་པ་བརྗེད་རྒྱུ་མེད།།

ཐོས་པའི་སྒོ་ལ་འཇུག་པ་བརྗེད་རྒྱུ་མེད།།
བསམ་པའི་གོམ་པ་དགོས་པ་བརྗེད་རྒྱུ་མེད།།
སྒོམ་པའི་གནད་ལ་ཁེལ་བ་བརྗེད་རྒྱུ་མེད།།
ཐོས་བསམ་སྒོམ་གསུམ་དགོས་པ་བརྗེད་རྒྱུ་མེད།།

ལྔ་རིག་སློབ་ཚོགས་ཆེན་མོ་བརྗེད་རྒྱུ་མེད།།
ལྔ་རིག་ནོར་གྱི་གཏེར་ཁ་བརྗེད་རྒྱུ་མེད།།
ལྔ་རིག་གཤོག་རླབས་དགོས་པ་བརྗེད་རྒྱུ་མེད།།
ལྔ་རིག་གླིང་ལ་ཕེབས་པ་བརྗེད་རྒྱུ་མེད།།

སྐྱབས་རྗེ་མཁན་སློབ་རྣམ་གཉིས་བརྗེད་རྒྱུ་མེད།།
རང་ལུགས་བསྟན་པའི་སྒྲོན་མེ་བརྗེད་རྒྱུ་མེད།།
རང་བསྟན་ཡུན་རིང་སྐྱོང་བ་བརྗེད་རྒྱུ་མེད།།
སྲ་བརྟན་སྲོག་ཤིང་ཡིན་པ་བརྗེད་རྒྱུ་མེད།།

ཡུན་རིང་བརྟན་པའི་སྨོན་ལམ་བརྗེད་རྒྱུ་མེད།།
སྐུ་ཚེ་བསྐལ་བརྒྱར་བཞུགས་པ་བརྗེད་རྒྱུ་མེད།།
བར་ཆད་མེད་པའི་སྨོན་ལམ་བརྗེད་རྒྱུ་མེད།།
འཆི་བ་སྲོག་ལ་ཐུག་ཀྱང་བརྗེད་རྒྱུ་མེད།།

བཀྲིས་ཁ་གཡང་རྟེན་འབྲེལ་བརྗེད་རྒྱུ་མེད།།
བདེ་ལེགས་སྐྱིད་ཀྱི་ཉི་མ་བརྗེད་རྒྱུ་མེད།།
ཕུན་སུམ་བཟང་གསུམ་ཚོགས་པ་བརྗེད་རྒྱུ་མེད།།
བརྗེད་རྒྱུ་མེད་པ་ནང་གི་གཙོ་བོ་དེ།
མ་འོངས་སློབ་གསོ་ཆེན་མོ་བརྗེད་རྒྱུ་མེད།། 
 ༢༠༡༣-༥-༢ མཁར་པ་བསོད་ནམས་བློ་གྲོས་ནས།།




 
 
རྩོམ་ཡིག་འདི་གཤམ་གྱི་ཚོགས་མིས་ལེགས་འདེམས་བྱས་ཟིན།
Re:བརྗེད་རྒྱུ་མེད།
[ 2013/5/3 21:44:30 | By: vase ]
 
vaseགཡག་རྒོད་རོག་པོས་རྭ་རྩེད་རྩེད་བཞིན་རང་ལྷས་ནང་དུ་མགྲོན་དུ་ཕེབས།། རང་གིས་ཁྱོད་ལ་ཟས་བཅུད་དྭངས་མ་སྣ་བརྒྱས་མགྲོན་དུ་བསུ་ངེས་ཡིན།། མ་ཡུམ་སློབ་གླིང་གཅིག་གིས་ནང་དུ་ལྔ་རིག་གཤོག་ཟུང་མཉམ་དུ་སྒྲིལ།། མཁར་པ་ཚང་ནས།
 
 
Re:བརྗེད་རྒྱུ་མེད།
[ 2013/5/3 19:35:12 | By: ygrbwj ]
 
ygrbwj



ཚར་གཅིག་བཀླགས་ཟིན། མཁར་པ་ཚང་ལ་བཀྲ་ཤིས་བདེ་ལེགས་ཞུ། གཡག་རྒོད་ནས།
 
 
Re:བརྗེད་རྒྱུ་མེད།
[ 2013/5/2 20:55:53 | By: སྐུ་མགྲོན་uAQc62(སྐུ་མགྲོན) ]
 
སྐུ་མགྲོན་uAQc62(སྐུ་མགྲོན)ཁྱོད་ཕོ་ལྷ་གསོལ།། ཁྱོད་ཀྱིས་རྩོམ་ལ་ཉིན་རེ་བཞིན་དུ་བརྗོན་དོན་ཇེ་ཟབ་
འགྲོ་གི་འདུག་ད་དུང་མི་མཐུན་ནས་རྒོད་རྒོད་གྱིས་ཤོག་གྲོགས་པོ་ལགས་
ངས་དྲྭ་ངོས་ནས་སྒུག་ལྡད་ཡོད།།ཀཞོཉ་ནས།།
 
 
Re:བརྗེད་རྒྱུ་མེད།
[ 2013/5/2 20:49:29 | By: སྐུ་མགྲོན་uAQc62(སྐུ་མགྲོན) ]
 
སྐུ་མགྲོན་uAQc62(སྐུ་མགྲོན)ཁྱོད་ཕོ་ལྷ་གསོལ་
 
 
Re:བརྗེད་རྒྱུ་མེད།
[ 2013/5/2 14:11:35 | By: zhongsong ]
 
zhongsongལང་ཚོའི་མེ་ཏོག་མཁར་པ་ཚང་དུ་འཁྲུངས། །
འདོན་དབྱངས་གྱེར་ངག་རྒན་གྱི་མདུན་ནས་བསླབ། །
ལྔ་རིག་གཞུང་ཆེན་ཁྱུང་སྟེང་གླིང་ནས་སྦྱངས། །
རྩོམ་རིག་མགྱོགས་དར་ཧི་ཟིན་ཁྲོད་ནས་བླངས། །
 
 
དཔྱད་གཏམ་སྤེལ་བ།
粗体 斜体 下划线 插入引用 插入表情
Powered by Oblog.