2012།12།31།ཉིན། སའི་གོ་ལ་འགད་མི་སྲིད་པའི་དོག་མི་དགོས་ལ། སྐྲག་མི་དགོས།བློ་བདེ་མོ་བྱོས། འོན་ཀྱང་དུས་གཏན་ནས་མི་འཇིགས་པ་མ་ཡིན་ཏེ། སྤྱིར་འདུས་བྱས་ཐམས་ཅད་མི་རྟག་པ་དང་། བསྐལ་པ་ཆགས་གནས་འཇིགས་སྟོང་གི་རང་བཞིན་ཡིན་པ་ལ། རང་རེ་འཚོ་གནས་བྱེད་སའི་ས་ཡི་གོ་ལ་འདི་ནམ་ཞིག འཇིགས་འགྲོ་བ་བོན་ཉིད་ལགས་ཀྱང་།  གནའ་རབ་རོ་མའི་རིག་གནས་ལས་2012།12།31། ཉིན་ཕན་ལ་མི་རིགས་ཀྱི་ལོ་རྒྱུས་བཤད་དུ་མེད། ཅེས་འཁོད་པ་ལ་རོ་མའི་ཆོས་པའི་དེ་ནི་2012།12།31། ཉིན་ཕྱིན་ཆད་ལ། མིའི་རིགས་ཀྱི་ལོ་རྒྱུས་བཤད་དུ་མེད་ན། སའི་གོ་ལ་འགད་འགྲོ་བར་སེམས་ནས། གོ་བ་ལོག་སྒྲུབས་ཀྱི་གཏམ་དྲིལ་བསྒྲགས་བྱས་པས། མི་ཅོལ་ཆུང་ཁག་གཅིག་གི་དེ་བདེན་པར་བཟུང་ནས། བློ་མི་བདེ་བ་འདུག་པས་དེ་རྣམས་ལ་བཤད་རྒྱུར་  ༢༠༡༢་ལོའི་ཟླ་༡༢་པའི་ཚེས་༣༡་ཉིན། ས་ཡི་གོ་ལ་འགད་མི་སྲིད་ལ་ས་གཡོ་རི་ཉིལ་གྱིས། དམིགས་གསལ་གནས་ཚུལ་གང་ཡང་ལྷག་མི་སྲིད་པས། དོག་མི་དགོས་ལ། སྐྲག་མི་དགོས། བློ་བདེ་མོ་བྱོས། ཁ་སང་དེ་རིང་། 2012།12།31།  ལ་ས་ཡི་གོ་ལ་འཇིགས་འགྲོ་ཡི་རེད་ཅེས་གཏམ་འཁྱལ། ས་ཁྱབ་རྡོ་ཁྱབ་བྱུང་འདུག་ཀྱང་། སྐྲག་མི་དགོས་ཏེ་་གཅིག་ནས། སངས་རྒྱས་ཀྱི་བཀའ་དང་འཕག་པའི་ལུང་གང་ལས་ཀྱང་། འདུས་བྱས་ཐམས་ཅད་མི་རྟག་པའི་རང་བཞིན་ཡིན་པ། ཡང་ནས་ཡང་དུ་བསྟན་ཀྱང་། 2012།12།31། ཉིན་མོ་ས་འཇིགས་འགྲོ་ཅེས་གསུང་མི་འདུག་པས་ཕྱིར་དང་།  གཉིས་ནས་ཀྲུང་གོ་དང་ཨུ་རུ་སུ་ཉི་ཧོང་སོགས་ཨེ་ཤ་ཡའི་རྒྱལ་ཁབ་དང་། འཇར་མན་སོགས་ཡོ་རབས་གླིང་གི་རྒྱལ་ཁབ། འཁྱག་གླིང་སོགས་མེ་གླིང་ལྷོ་བྱང་གི་རྒྱལ་ཁབ།  ཨ་རི་སོགས་ནུབ་ཕྱོགས་རྒྱལ་ཁབ་བཅས། རྒྱལ་ཕྱི་ནང་གི་ཚན་རིག་དར་བའི་རྒྱལ་ཁབ་གང་ཞིག་གིས་ཀྱང་། 2012།12།31། ཉིན་མོ་ས་ཡི་གོ་ལ་འགད་འགྲོ་རྒྱུ་ཡིན་པ་བཤད་མཁན་བྱུང་མེད་པ་རེད། དེ་འདྲ་ཡིན་དུས་ས་ཡི་གོ་ལ་2012།12།31། ཉིན་འཇིགས་འགྲོ་ཡི་མ་རེད། དོག་མི་དགོས་ལ་སྐྲག་མི་དགོས་བློ་བདེ་མོ་བྱོས། ཡང་རྒྱལ་ཁབ་དེ་ཚོས་ས་ཡི་གོ་ལ་དེ། མི་འཇིགས་རྟག་བརྟན་ཞིག་རེད་ཟེར་གྱི་མི་འདུག་ལ། མ་འོང་པར་མིའི་རིགས་ཀྱི་སྐྱེ་ཁམས་འཁོར་ཡུགས་ལ། སྲུང་སྐྱོང་མ་བྱས་པར་འཕྲུལ་འཁོར་དང་བཟོ་གྲྭས་སའི་གོ་ལ་འབག་བརྩོག་དང་། གཏོར་བཤིགས་མི་མཐུད་ནས་བཏང་ན། ཉེ་བའི་ལོ་ལྔ་བརྒྱ་ཚུན་ལ་སའི་གོ་ལ་འགད་འགྲོ་བས་ཉེན་ཁ་ཡོད་ཅེས། ཉེན་བརྡ་གཏོང་དང་གཏོང་བཞིན་པ་རེད།  དེ་ཡང་འཛམ་བུ་གླིང་གི་ཚན་རིག་མཁས་དབང་མང་པོས། ང་ཚོ་མིའི་རིགས་ཀྱིས་ས་གོ་ལ་འདི་གཅེས་སྐྱོང་དང་། སྲུང་སྐྱོབས་ཡག་པོ་མ་བྱས་ན། འཇིགས་རྐྱེན་ཆེན་པོ་བརྒྱད་ཡོད་པར་བཤད་ཡོད་པ་ལས། ༡། སའི་གོ་ལ་དང་རྒྱུ་སྐར་ཆེན་པོ་གདོང་ཐུག་རྒྱུབ་པས། རྐྱེན་གྱིས་ས་ཡི་གོ་ལ་འཇིགས་པས་ཉེན་ཁ། ༢། སྐྱེ་ཁམས་འཁོར་ཡུག་འབག་བརྩོག་གི། རྐྱེན་གྱིས་ས་ཡི་གོ་ལ་འཇིགས་པས་ཉེན་ཁ། ༣། བཟོ་གྲྭ་དང་སྣམ་འཁོར་རིགས་ཀྱི་བརྩོག་རླངས་ཀྱིས། ཉི་མའི་དྲོད་ཚད་ལོ་རེ་བཞིན་ཆེ་རུ་འགྲོ་བས། རྐྱེན་གྱིས་ས་ཡི་གོ་ལ་འཇིགས་པས་ཉེན་ཁ། ༤། རླངས་ཁམས་ཆེན་པོས་གཏོར་སྐྱོན་གྱི། རྐྱེན་གྱིས་ས་ཡི་གོ་ལ་འཇིགས་པས་ཉེན་ཁ། ༥། གངས་རི་རྣམས་ལོ་རེ་བཞིན་བཞུར་ནས་མཐར་ཆུ་དཀོན་པས། རྐྱེན་གྱིས་ས་ཡི་གོ་ལ་འཇིགས་པས་ཉེན་ཁ། སོགས་ས་ཡི་གོ་ལ་འཇིགས་འགྲོ་བའི་རྐྱེན་ཆེན་པོ་བརྒྱད་ཙམ་བཤད་ཡོད་འདུག འོན་ཀྱང་ང་ཚོ་སེམས་བདེ་མོ་བྱ་ཆོག་པ་ཞིག་ནི། ཚན་རིག་མཁས་དབང་བྷོ་ནེད་ལགས་དང་། ཚན་རིག་དགེ་རྒན་ཆེན་མོ་ག་གེ་མོ་གཉིས་ཀྱིས། ལོ་ལྔ་ལྷག་ལ་སའི་གོ་ལ་དང་། བར་སྣང་དུ་བརྟག་དཔྱད་བྱས་འབྲས་སུ། གལ་ཏེ་ཉིང་རྡུལ་དམག་འཁྲུག་གམ། གནམ་གཟུགས་ཀྱིས་སའི་གོ་ལར་མ་བརྡབ་ཚེ་མིའི་རིགས། ད་དུང་ས་གོ་ལའི་སྟེང་ལོ་ངོ་ཁྲི་བཅུ་ལ། འཚོ་གནས་བྱེད་ཐུབ་པ་གཏན་འཁེར་ཡིན། བཅས་གསུང་འདུག་ལ་དེ་མིན་སའི་གོ་ལ་འཇིགས་རྐྱེན་ཆེན་པོ། གཞན་གང་འདྲ་བྱུང་ཡང་། མ་མཐར་མི་ལོ་ཉིས་བརྒྱ་ཚུན་ལ། སའི་གོ་ལ་འཇིགས་མི་སྲིད་བཅས་ཀྱང་བཤད་ཡོད་པ་རེད། དེ་འདྲ་ཡིན་དུས་ས་ཡི་གོ་ལ་འདི་༢༠༡༢། ༡༢། ༣༡། འགད་ནས་འཇིགས་མི་འགྲོ་བ་གཏན་གཏན་རེད་སྙམ།། །།ཁྱུང་ཞུ་འོད་རྒྱས་པས་བྲིས་སོ།། །།