ཨེ་མ་ཧོ།། མདོ་ལུང་ཕར་ཕྱིན་བཅུ་ཡི་དགོངས་པ་རྟོགས།། 

             མདོ་ལྟའི་ས་བཅུ་ལམ་ལྔའི་ཕ་རོལ་ཕྱིན།

             མདོ་སྡེའི་བོན་སྒོ་ཀུན་གྱི་རྒྱུད་པ་འཛིན།།

             མདོ་དོན་དབུ་མའི་བླ་མ་སྨན་རི་བ།།

སྨྲ་དབང་སློབ་དཔོན་བསྟན་འཛིན་རྣམ་དག་མཆོག།

སྐུ་ཚེ་ཡུན་རིང་བརྟན་པར་གསོལ་བ་འདེབས།།

 སྔགས་ལུང་བསྒྲགས་གསུམ་བོན་སྡེའི་སྒོ་གསུམ་སྨིན།། 

སྔགས་དོན་རྣམ་གསུམ་རིམ་གཉིས་དགོངས་པར་རྫོགས།།

སྔགས་ལྟའི་དག་པའི་ས་གསུམ་སེམས་སུ་དག། 

སྔགས་ཀྱི་རྒྱུད་འཛིན་བླ་མ་སྨན་རི་བ།།

ཡོངས་འཛིན་སློབ་དཔོན་བསྟན་འཛིན་རྣམ་དག་མཆོག།

སྐུ་ཚེ་ཞབས་པད་བརྟན་པར་གསོལ་བ་འདེབས།།

རྫོགས་ཆེན་བླ་མེད་བོན་སྡེའི་དགོངས་དོན་རྟོགས།།

རྫོགས་ཆེན་ལྟ་བའི་སྒོ་གསུམ་སྐུ་གསུམ་གྲོལ། 

རྫོགས་ཆེན་བསྟན་པ་འཛམ་གླིང་ཀུན་ལ་སྤེལ།།

རྫོགས་ཆེན་ཡོངས་རྩེའི་བླ་མ་སྨན་རི་བ།།

ཡོངས་འཛིན་སློབ་དཔོན་བསྟན་འཛིན་རྣམ་དག་མཆོག

སྐུ་ཚེ་ཞབས་པད་ཡུན་རིང་བསྟན་པར་ཤོག།།

ཅེས་པ་འདིའང་རྨི་ལམ་འཁྲུལ་སྣང་ལ་རྩ་བའི་བླ་མ་མཇལ་སྣང་ཤར་བ་བཞིན། ཟླ་དགོན་རི་ཁྲོད་དུ་གྱི་ནར་གནས་པའི་ཞུ་འོད་རྒྱས་པས། ཨ་བོ་ཧོར་ཁྱུང་གཉིས་ཀྱི་ས་ཆ་ནས་་གསོལ་བ་རྩེ་གཅིག་ཏུ་བཏབས་པ། དེ་དེ་བཞིན་འགྲུབ་པར་རྩ་གསུམ་སྲུང་མས་མཐུ་དཔུངས་སྡོང་གྲོགས་མཛད་དུ་གསོལ།།