གྲོང་ཆོག་སྐོར་གྱི་དྲི་བ་ཁ་ཤས་དང་དྲིས་ལན།--གནམ་སྲས་གཟི་དམར།
སྒྲིག་འཇུག...
སྤྱི་བསྒྲགས།
    སྒྲིག་འཇུག...
ལི་ཐོ།
    སྒྲིག་འཇུག...
ཆེད་སྒྲིག་རྣམ་དབྱེ།
    སྒྲིག་འཇུག...
པར་མཛོད།
ཟིན་ཐོ་གསར་བ།
    སྒྲིག་འཇུག...
དཔྱད་གཏམ་གསར་བ།
    སྒྲིག་འཇུག...
ཆེམས་གསར་བ།
    སྒྲིག་འཇུག...
ནང་འཇུག
དྲ་གྲོགས།
    སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
    སྒྲིག་འཇུག...
གྲོང་ཆོག་སྐོར་གྱི་དྲི་བ་ཁ་ཤས་དང་དྲིས་ལན། | 2018/7/22 11:51:00
གྲོང་ཆོག་པ། དྲི་བ་པོ། བློ་ལྡན་བཟང་པོ། དྲིས་ལན་འདེབས་མཁན་ལུང་རིག་འཁོར་ལོ།།  
དྲི་བ་སྒྲུབ་གཤེན་གླིང་དུ་བཞུགས་པའི་བླ་སྤྲུལ་དགེ་བའི་བཤེས་གཉེན་རྣམས་པ་དང་།
དགེན་ལུང་རིག་འཁོར་ལོ་གཙོས་པའི་གཡུང་དྲུང་སྤུན་གྲོགས་ཡོངས་ལ་བཀྲིས་བདེ་ལེགས་ཞུ།
གུས་པའི་དྲི་བ་ཞིག་ཞུ་ཆོག་པ་མཁྱེན།
༡གྲོང་ཆོག་ཞེས་པའི་མིང་གིས་ཐ་སྙད་དང་དེའི་གོ་དོན།
༢གྲོང་ཆོག་པའམ་སྒྲུབ་གཤེན་རྣམས་ལ་ཚངས་དགོས་པའི་ཆ་རྐྱེན།
༣སྒྲུབ་གཤེན་རྣམས་ཀྱི་དོར་དགོས་པའི་སྐྱོན་ཆ།
༤གྲོང་ཆོག་འགྲོ་སྐབས་ཡིན་གཅིག་མིན་གཉིས་གཞི་དཀྱིལ་འཁོར་མདུན་དུ་ཉལ་དགོས་པའི་རྒྱུ་མཚན།
༥སྒྲུབ་ཁང་སྟོང་པ་མ་བཞགས་ཟེར་བའི་གོ་དོན།
༦སྐྱབས་སེམས་དང་བདག་མདུན་གྱི་བསྐྱེད་རྫོགས་བྱེད་ལུགས།
༧གྲྭ་པ་དང་སྐྱ་བོའི་བར་བོན་གསུངས་སྐབས་ཕན་ཐོག་ཆེ་ཆུང་ཡོད་མེད།
༨བོན་འདོན་མཁན་ཕོ་དང་མོ་གིས་བར་ཁྱད་པར་ཡོད་མེད།
༩གྲོང་ཆོག་པ་ཚོའི་སྒྲུབ་ཞལ་ཕྱེ་སྐབས་བུད་མེད་ལ་སྤྱོད་ཉེན་མི་ཉེན།བུད་མེད་ལ་ཆག་པ་སྤྱོད་ན་འགལ་བ་དང་མ་སྤྱོད་ན་ཕན་པ་ཅི་ཡོད་མིན།
༡༠མིི་སྐྱ་བོན་འདོན་མཁན་ཚོས་གྱོན་གོས་ཁ་དོག་གང་འདྲ་གྱོན་དགོས་མིན་དང་།གོས་ལ་ཁ་དོག་གྱི་ཁྱད་པར་ཡོད་མིན།
༡༡མདོ་སྔགས་སེམས་གསུམ་གྱི་ཁྱད་པར་སོགས།
༡༢ང་ཚོའི་ཐོག་མར་ཡིག་གེ་འདོན་སྐབས་གཤེན་རབ་མི་བོའི་གསོལ་འདེབས་མི་འདོན་མཉམ་མེད་གསོལ་འདེབས་འདོན་དགོས་པའི་རྒྱུ་མཚན་སོགས།
ཤེས་དམན་བླུན་རྨོངས་ང་དང་ང་འདྲ་རྣམས་ལ་བཀའ་སློབ་ལམ་སྟོན་གནང་རོག་ཞུ་ཞུ་ཞུ།
གུས་བློ་ལྡན་བཟང་པོ་ནས་དྲིས་ནོར་བྱུང་ན་སྐྱབས་གནས་ཡུལ་མཆོག་གནས་བཞིར་བཤགས།

དྲི་བ་༡༢་ལས་ཁག་གཅིག་ནི་གྲོང་ཆོག་པ་མི་སྐྱ་དང་སྔགས་པ། དགེ་བསྙེན་བཅས་ཀྱི་ལྟ་སྤྱོད་སྐོར་ཞེས་པའི་བརྗོད་བྱའི་ཞོར་ལས་འབྱུང་གི་རེད།། འདིར་དྲིས་ལན་ཁ་ཤས་ཙམ་འབུལ་བ་ལ། 
༡་གྲོང་ཆོག་ཞེས་པའི་མིང་གིས་ཐ་སྙད་དང་དེའི་གོ་དོན། སྤྱིར་གྲོང་ཆོག་པ་ཟེར་སའི་རིགས་ནི་ཁྱབ་ཆེ་ཙམ་ཞིག་རེད་སྙམ། ཅི་སྟེ་ན། གྲོང་པར་མདོ་འབུམ་གཟུངས་གསུམ་ཀློག་མཁན་དང་། སྐུ་རིམ་ཞབས་རྟེན་སྒྲུབ་མཁན། གཤིན་པོར་ཞེ་དགུ་དང་ཞི་ཁྲོ་སྦྱིན་བསྲེགས། གཤིན་འདུར་སོགས་དགེ་རྩ་སྒྲུབ་མཁན་བཅས། མདོར་ན་གྲོང་པར་ཆོ་ག་གང་རུང་གི་སྒོ་ནས་གཞན་ལ་ཕན་པ་སྒྲུབ་མཁན་གྱི་སྤྱི་མིང་ཙམ་ཞིག་ཡིན་པར་སྙམས། གྲོང་ཆོག་པ་ཟེར་བ་འདིའི་ནང་དུ། སྡོམ་གསུམ་རྨ་མེད་དུ་འཛིན་པས་བསྟན་འཛིན་སྐྱེས་མཆོག་བླ་མ་མཁན་སློབ་དགེ་བཤེས་གྲྭ་ཇོ་སོགས་ཀྱང་ཡོད་སྲིད་ལ། དེ་བཞིན་སྔགས་པ་དང་དགེ་བསྙེན་པའང་ཡོད་དང་ཡོད། ཐ་ན་ཡི་གེ་འདོན་ཀློག་ཤེས་ཙམ་གྱི་མི་སྐྱ་ཕོ་མོའང་ཡོད་ཆོག་སྙམ། 
༢་གྲོང་ཆོག་པའམ་སྒྲུབ་གཤེན་རྣམས་ལ་ཚང་དགོས་པའི་ཆ་རྐྱེན། ལན་དེའང་སེར་མོ་བ་གྲྭ་ཇོ་རིགས་ཡིན་ན། བཤད་སྒྲུབ་སྒོམ་གསུམ་གང་རུང་ལ་ཞུགས་མྱོང་བའམ། ཡང་ན་ཐོས་བསམ་སློབ་གཉེར་ལོ་གྲངས་གང་འཚམ་གནང་མྱོང་བ་ཞིག་དགོས། སྔགས་པ་དང་དགེ་བསྙེན་ཡོངས་འཛིན་རིན་པོ་ཆེས་སྔགས་པའི་ཆས་གོས་དང་། སྒྲིགས་ཁྲིམས། བློ་སྦྱང་གི་སྐོར་བཅས་གསུམ་ནང་དུ་གསུངས་པས་དོན་རྣམས་ངེས་པར་དུ་འཛོམས་དགོས་སྙམ། དགེ་བསྙེན་ལ་ཡང་དེ་ནང་ནས་གསུངས་པ་ལྟར་ཚང་དགོས་དྲན། 
༣་སྒྲུབ་གཤེན་རྣམས་ཀྱི་དོར་དགོས་པའི་སྐྱོན་ཆ། ལན་དེའང་། ཡོངས་འཛིན་རིན་པོ་ཆེས་གསུངས་པ་ལྟར་སྤངས་བླངས་བྱས་ན་འགྲིགས་སྙམ། 
༨་བོན་འདོན་མཁན་ཕོ་དང་མོ་གིས་ཁྱད་པར་ཡོད་མེད། ལན་སྡོམ་པ་དང་དམ་ཚིག་ཡོད་མེད། སློབ་སྦྱོང་ཐོས་བསམ་ཡོད་མེད། ལྟ་སྒོམ་ཉམས་ལེན་ཡོད་མེད་ཀྱི་ཁྱད་པར་ལས། ལུས་ཕོ་མོའི་ཁྱད་པར་ཡོད་མ་རེད་དྲན།  
༡༠ མི་སྐྱ་བོན་འདོན་མཁན་ཚོས་གྱོན་གོས་ཁ་དོག་གང་འདྲ་གྱོན་དགོས་མིན་དང་། གོས་ལ་ཁ་དོག་གི་ཁྱད་པར་ཡོད་མིན། ལན་དེའང་ཡོངས་འཛིན་རིན་པོ་ཆེས་གསུངས་པར་ལྟར་ཤེས་པར་མཛོད། 
ལུང་རིགས་འཁོར་ལོས་༢༠༡༨་ལོའི་༧་༢༢་ཉིན། 
དཔྱད་གཏམ་སྤེལ་བ།
སྒྲིག་འཇུག...
སྒྲོམ་གཞི་སྒྲིག་བཟོ་བ། མཁའ་ཚེ།
Powered by Oblog.