ཕྲན་གྱི་བྱ་བ་ལས་དཀའ་་ཅི་བྱས་ལ་ལྷག་བསམ་དཀར་པོའི་རྒྱུབ་སྐྱོར་རོག་རིམ་བྱེད་མཁན་ཡོངས་དང་ད་ཐིང་ཕྲན་དྲྭ་བ་ཐོག་མར་འཇུག་དུས་སུ་མ་ཤེས་སློབས་སྟོན་དང་ངོ་སྤྲོད་དངོས་ཤུགས་རྒྱུད་གསུམ་གྱི་སྒོ་ནས་གནང་མཁན་མཁས་གྲུབ་བྱེ་བའི་འབྱུང་གནས་ཁྱུང་པོ་སྟིང་ཆེན་དགོན་པའི་གྲྭ་བཙུན་ཚངས་པའམ་དཀོན་མཆོག་སྐྱབས་དང་བོད་ལྗོངས་བརྙན་འཕྲིན་ལས་ཁང་གི་ཁྱུང་པོ་དཔལ་རྒྱལ་སྟེང་ཆེན་རྫོང་སློབ་གསོ་ཅུས་ཀྱི་སྐར་མ་འབྲུག་རྒྱལ་བཅས་ཀྱི་སྤྱི་སྒེར་བྱ་བའི་བྲེལ་ཟིང་ཀྱི་བར་ཁོམ་དུས་ཚོད་བེད་སྤྱད་ནས་ཕྲན་ལ་རོགས་རིམ་གང་མང་གནང་བ་སྙིང་ཐག་པ་ནས་ཐུགས་རྗེ་ཆེ་ཞུ་ཞུ་ ོྲན་ནི་སྦྱང་སྟོབས་ཀྱི་ཡོན་ཏན་ཞན་ལ་སྐྱེས་ཐོབས་ཀྱི་ཤེས་རབ་དམན་པའི་མ་ཚད་འཆར་གཞི་དང་དམིགས་ཡུལ་མེད་པའི་ཐོག་ནས་ཅི་བསམ་གང་དྲན་ཐོལ་བྱུང་དུ་བཤད་མཁན་ཞིག་ཡིན་ལ་འདིར་ཡང་དེ་ལྟར་ཡི་གེ་བཀོད་སྲིད་པས་ཁྱེད་དྲྭ་གྲོགས་ལྷན་རྒྱས་ནས་དེ་ལུགས་ཀྱི་ཐུགས་རྒྱ་ཆེ་ཙམ་གནང་རོགས་ཞུའོ་ཞེས་ཁྱུང་ཞུ་སྨྱོན་པ་ནས་ཕུལ།།