༄༅།། སྲིད་རྒྱལ་ཐུཌ་སྒྲུབ་ཀྱི་བསྐང་བ་བཞུཌ། དབལ་གསས་རྔམ་པའི་སྐུ་ལ་ཕྱག་འཚལོ། སྲིད་རྒྱལ་དྲིའུ་ནག་མོའི་བསྐང་བ་ལ། བསྭོ་སྲིད་གསུྃ་དབང་དུ་བསྡུས་པའི་གསས་མཁར་གྱི། ཁྲག་མཚོ་དམར་ནག་འཁྱིལ་པའི་རྦ་ཀློང་ནས། མ་ཅིག་སྲིད་པའི་རྒྱལ་མོ་མཐུ་མོ་ཆེ། སྐྱེ་མེད་བོན་གྱི་དབྱིངསུ་བཞུཌ་ཙམ་ན། ཀུན་ཏུ་བཟང་མོ་ཐུཌ་ཉིད་སྤྲོས་དང་བྲལ། གདུང་བའི་གཤེན་ལ་ཡུད་ཙམ་དགོངསོུལ། མ་ཅིག་ཀློང་ནས་རྫོཌ་སྐུར་བཞེང་ཙམ་ན། ཀུན་སྐྱོབ་ཐུཌ་རྗེ་བྱྃས་མ་ཁྲོས་པའི་ཚུལ། སྲིད་པའི་རྒྱལ་མོ་དབུ་བརྒྱ་ཕྱག་སྟོང་མ། བོན་བསྟན་སྲུང་ཕྱིར་ཀློང་ནས་བཞེངསོུལ། མ་ཅིག་མཁའ་ལ་སྤྲུལ་པ་འགྱེད་པས་ཚེ། བརྩེ་གདུང་གྲོཌ་མཛད་བདེ་འགྲོ་གསང་བའི་ཡུྃ། མཐིང་ནག་ཞལ་གསུྃ་ཕྱག་དྲུག་ དྲིལ་ནག་བཅིབ། སྐུ་སྤྲུལ་མ་གསུྃ་དུས་དྲུག་དུས་བཞི་ཡུྃ། ཐུཌ་སྤྲུལ་མ་བདུད་སྲིད་རྒྱལ་ཕོ་ཉ་འགྱེད། གཟེ་གྱད་བྱིན་ཏེ་གྱད་དམག་ རྒྱལ་ཆེན་སོཌ། དབལ་མོ་བྱེ་བ་ས་ཡ་ལས་ལ་རྦད། ཡང་སྤྲུལ་བརྟན་མ་བཅུ་གཉིས་བྲན་དུ་འཁོལ། ཡེ་ཤེས་རྫུ་འཕྲུལ་ལས་ཀྱི་ དབལ་མོ་རྣམས། སྔོན་ཚེ་སྐུ་གསུྃ་ཁྲོ་རྒྱལ་སྤྱན་སྔ་རུ། སྲོག་སྙིང་ཕུལ་ནས་བསྟན་སྲུང་ཁས་བླང་བཞིན། སྙིང་ནས་སྒྲུབ་ཅིང་ གདུང་བའི་བོས་པས་ཚེ། མ་འཁུ་མ་ལྡོག་བསྐང་བའི་གནས་འདིར་སྤྱོན། དྃ་ཅན་ཐ་ཚིག་མ་བརྗེད་བོན་བསྟན་སྲུང་། མ་ཅིག་སྐུ་ གསུྃ་དོན་ལྡན་སྲིད་གསུྃ་རྒྱལ། བཀའ་བློན་ཕོ་ཉ་ཡང་སྤྲུལ་བཅས་པ་རྣམས། སྔོན་གྱི་ཚུལ་བཞིན་གནས་འདིར་ཐུཌ་དྃ་བསྐང་། རྒྱུན་མང་རྔ་སྒྲ་དྲི་ཞིམ་བསང་མཆོད་དང་། རྣམ་ལྔ་རྣམ་བརྒྱད་དཀར་མངར་འབྲུ་སྣ་འདིས། སྲིད་རྒྱལ་སྤྲུལ་པ་བཅས་པའི་ཐྱདྃང་། སྨན་ཕུད་རག་ཏ་དབལ་གྱི་གཏོར་མ་དང་། དྃ་རྫས་ཤ་ཁྲག་ཚོཌ་ཀྱི་ལོངསྱོད་འདིས། སྲིད་རྒྱལ་སྤྲུལ་པ་བཅས་པའི་ཐྱདྃང་། བསྐང་མདོས་རི་རབ་འདོད་ཡོན་ཕུན་ཚོཌ་དང་། མི་ནོར་ཡུལ་མཁར་གཟུཌ་འགྲོས་སྣ་ཚོཌ་འདིས། སྲིད་རྒྱལ་སྤྲུལ་པ་བཅས་པའི་ ཐྱདྃང་། སྲུང་མའི་ཐྱདྃ་དབྱིངསུ་བསྐང་ནས་ཀྱང་། བདག་ཅག་མ་རིག་དུག་ལྔའི་ལས་དབང་གིས། སྡོམ་གསུྃ་རྩ་བ་ཡན་ལག་ དྃ་ཚིག་རྣྃས། ཉྃས་ལྟུང་ཉེས་ཕྃ་ཅི་མཆིས་མཆོད་པའི་སྐོང་། དབལ་མོ་མ་སྲིང་ཚོཌ་ལ་མཐོལ་ལོ་བཤཌ། བཀའ་ཆད་ཁྲོ་གཏུྃ་ཐུཌ་ འཁྱུཌ་མ་མཛད་ཅིག། བརྩེ་གཅིག་སྙིང་ནས་སྒྲུབ་པའི་བདག་ཅག་ལ། ཉིན་གྱི་བྱ་ར་མཚན་གྱི་མེལ་ཚེ་གྱིས། ཚེ་སྲིང་སྲོག་སྐྱོབ་དུས་མིན་འཆི་བ་ཟློག། འགྲོ་བས་ལྃ་ལ་སྔོན་བསུ་རྒྱབ་སྐྱོར་གྱིས། ལྃ་དགྲ་ཆུ་འཕྲང་འཇིག་སྐྱོབ་ལྃ་ལྷ་མཛོད། སྐྱེ་འགྲོའི་སྣང་ ཡིད་སེསྃ་གསུྃ་བདག་དབང་བསྡུས། བསྃ་དོན་སྒྲུབ་ལ་རེ་བ་ཐྃད་སྐོང་། ཚེ་དབང་མཐུ་ཡི་དངོས་གྲུབ་བདག་ལ་རྩོལ། ཐར་ལྃ་སྒྲུབ་པས་འགལ་རྐྱེན་བར་ཆོད་ཟློག། གཡུང་དྲུང་བོན་གྱི་བསྟན་པ་གཉེན་པོ་སྲུང་། བསྟན་འཛིན་སྐྱེས་བུས་འཕྲིན་ལས་ ཐོག་མེད་སྒྲུབ། བཤད་སྒྲུབ་འདུས་སྡེའི་བསྟན་པ་དར་རྒྱས་སྤེལ། བོན་གྱི་སྤྱི་དགྲ་གཤེན་གྱི་དགོས་དགྲ་སོཌ། སྡང་དགྲ་གནོད་བགེཌ་ བཟློཌ་བསྒྱུར་བསྒྲལ་ཏུ་གསོལ། བཅོལ་པའི་ཕྲིན་ལས་སྒྲུབས་ཤིཌ་ས་མ་ཡ། བསྭོ་མ་མ་ཛ་མུ་ཡེ་ཐུན་བྷྱོ། རྃ་ཐུན་བྷྱོ། ཨ་དཀར་མུ་ཡེ་ཤག་ཐུན་བྷྱོ་ བྷྱོ་བྷྱོ་བྷྱོ་ བྷྱོ་བྷྱོ་བྷྱོ། ཅེས་ཁྱུང་ནག་འོད་རྒྱས་པསོ།བཀྲིས་ཞལ་དྲོ་བྱིན་ཆེ།